AQŞ prezidentı Donald Tramp transgender sportşy äielderdıŋ äielder arasyndaǧy sporttyq jarystarǧa qatysuyna tyiym salatyn jarlyqqa qol qoidy. Būl turaly ol Aq üide äielder men qyz sportşylardyŋ aldynda mälımdedı, dep habarlaidy "Adyrna" ūlttyq portaly.
"Būdan bylai äielder sporty tek äielderge arnalǧan", – dedı Tramp jarlyqqa qol qoiu räsımınde. Sondai-aq, AQŞ-tyŋ transgender sportşylarǧa viza beruden bas tartatynyn atap öttı.Jarlyq negızınen mekteptık, universitettık jäne äuesqoi jarystarǧa qatysty bolady. Alaida, Tramp 2028 jyly Los-Andjeleste ötetın Olimpiada oiyndaryna deiın Halyqaralyq Olimpiada komitetınen transgender sportşylarǧa qatysty erejelerdı qaita qaraudy talap etetının mälımdedı. Jarlyqta "Köptegen bılım beru mekemelerı men sporttyq qauymdastyqtar er adamdarǧa äielder sportynda jarysuǧa rūqsat berdı. Būl äielder üşın qorlau, ädıletsızdık jäne qauıp töndıredı, sondai-aq olardy teŋ mümkındıkterden aiyrady" delıngen. Sonymen qatar, Tramp inaugurasiiasy kezınde AQŞ memlekettık saiasaty tek ekı jynysty – erkek jäne äiel dep tanitynyn jariialap, osyǧan säikes jarlyqqa qol qoidy. CNN mälımetınşe, jarlyqqa qol qoiu aldynda Tramp ötken jylǧy Parij Olimpiadasynda äielder arasyndaǧy boks jarystarynda altyn medal jeŋıp alǧan ekı sportşynyŋ transgender ekenın aitqan. Alaida, būl mälımet şyndyqqa säikes kelmeidı. Aljirlık İman Helif pen Taivandyq Lin Iýitin jynysyn özgertpegen jäne ärdaiym äielder arasynda jarysqan. Halyqaralyq Olimpiada komitetınıŋ prezidentı Tomas Bah būl ekı sportşynyŋ ärdaiym äiel retınde tanylǧanyn jäne olardyŋ genderlık säikestıgıne eşqaşan kümän tuyndamaǧanyn mälımdedı.
Ūqsas jaŋalyqtar
