AQŞ-ta ötken prezident sailauynda jeŋıske jetken Donald Tramp Aq üide qazırgı prezident Djo Baidenmen kezdestı, dep habarlaidy "Adyrna" ūlttyq portaly VVS-ge sıltep.
Kezdesu kezınde Baiden kelesı prezidentke bilıktı beibıt türde tabystauǧa niettı ekenın aitsa, al Tramp būl prosess «mümkındıgınşe sättı ötkenın» jetkızdı.
«Qūrmettı sailanǧan prezident jäne būrynǧy prezident Donald, sızdı qūttyqtaimyn! Bız bilıktıŋ beibıt türde tabystaluyn qamtamasyz etkımız keledı jäne sızge qajettı jaǧdaidyŋ bärın jasauǧa daiynbyz, — dedı Baiden Trampqa. — Bügın bız osy mäselelerdı talqylai alamyz. Qoş keldıŋız jäne qaita oraluyŋyzben qūttyqtaimyn!»Ekı saiasatker qol alysyp: «Saiasat – qatal dünie, al jalpy ömır de köp jaǧdaida jaily emes. Bıraq bügın būl kün erekşe, jäne men mūny joǧary baǧalaimyn», — dedı Tramp. Sailaualdy nauqan kezınde Tramp pen Baiden bır-bırıne qatty syn aitqan bolatyn. Soŋǧy ret olar mausym aiynda ötken debatta kezdesken edı. Sol debattardan keiın Baiden jasyna jäne prezidenttık mındetterın atqaru qabıletıne qatysty alaŋdauşylyqtardan keiın sailau dodasynan şyǧyp ketken. Sailanǧan prezidenttıŋ qyzmetten ketıp jatqan prezidentpen kezdesuı – amerikandyq saiasi ömırdegı ejelgı dästür.
Ūqsas jaŋalyqtar
