AQŞ prezidentı Donald Tramp aldaǧy aptalarda Qytai basşysy Si Szinpinmen kezdespek. Būl turaly ol Aq üide Kanada premer-ministrı Mark Karnimen kezdesude aitty, dep habarlaidy «Adyrna» tılşısı.
«Menıŋ töraǧa Simen qarym-qatynasym öte jaqsy. Özderıŋız bılesızder, men onymen bırneşe aptadan keiın Oŋtüstık Koreiada kezdesemın. Bız būrynnan berı öte jaqsy bailanystamyz», — dedı Tramp.
Qytai köşbasşysymen aldaǧy kezdesu turaly Tramp 1 qazanda Truth Social platformasynda jazǧan bolatyn.
«Tört aptadan keiın men Qytai basşysymen kezdesemın», — dedı ol.
Jazbada Tramp Si Szinpinmen kelıssözder barysynda AQŞ pen Qytai arasynda būryn jasalǧan kelısımge qaita oralatynyn aitty. Ol kelısım boiynşa Qytai amerikalyq auyl şaruaşylyǧy önımderın satyp aluǧa mındettelgen edı.
«Ūiqyşyl Djo Baiden Qytaimen bızdıŋ kelısımımızdıŋ oryndaluyn qamtamasyz ete almady. Sol kelısım boiynşa olar milliardtaǧan dollarlyq auyl şaruaşylyǧy önımderın, sonyŋ ışınde soia būrşaǧyn satyp aluy tiıs edı», — dep jazdy Tramp.
Sondai-aq ol būl mäsele aldaǧy kelıssözderdıŋ basty taqyryptarynyŋ bırı bolatynyn mälımdedı.
