Vaşingtonda belgısız er adam Aq üi aumaǧy maŋynda atys şyǧardy, dep habarlaidy «Adyrna» tılşısı DW-ge sılteme jasap.
23 mamyr künı keşkı uaqytta er adam Aq üi qorşauyna jaqyndap kelıp, sömkesınen belgısız qarudy şyǧaryp, Qūpiia qyzmet qyzmetkerlerıne oq atqan. Qaruly adam jauap oqtan jaralanyp, auruhanaǧa jetkızılgen. Keiın onyŋ sol jerde qaitys bolǧany belgılı bolǧan.
Şabuyl jasaǧan adamnyŋ jeke basy turaly aqparat resmi mälımdemede körsetılmegen. Vedomstvo tergeu jürgızılıp jatqanyn jäne qosymşa mälımetter «qoljetımdı bolǧan kezde» jariialanatynyn habarlady.
Atys kezınde kezdeisoq ötıp bara jatqan bır azamat ta jaralanǧan. Onyŋ jaǧdaiy turaly aqparat berılmegen. Al Qūpiia qyzmet qyzmetkerlerınıŋ eşqaisysy zardap şekpegen.
Atys dybystary amerikalyq ABC telearnasynyŋ efirıne tüsıp qalǧan. Jurnalist Selina Van Aq üi aumaǧynan reportaj tüsırıp jatqan kezde bırneşe ret oq atylǧanyn estıgenın aitqan. Osydan keiın jurnalisterge ǧimarat ışıne jasyrynuǧa būiryq berılgen.
AQŞ prezidentı Donald Tramp oqiǧa kezınde Aq üide bolǧan. Būl oqiǧa onyŋ jūmysyna äser etpegen. Qūpiia qyzmet mälımetınşe, ol jaǧdaidan habardar etılgen. Alaida mūndai jaǧdailarǧa äleumettık jelıde pıkır bıldıretın Tramp būl joly eşqandai jazba jariialamaǧan. Oqiǧadan būryn onyŋ soŋǧy jazbasy İranmen soǧystyŋ jaqyn arada aiaqtaluy mümkın ekenı turaly bolsa, şamamen bes saǧattan keiın ol AQŞ Demokratiialyq partiiasyn synǧa alǧan post jariialaǧan.
Aq üi maŋynda oq atqan er adamnyŋ motivı älı belgısız. Degenmen, būl 2024 jyldan berı Tramp pen onyŋ äkımşılıgıne jasalǧan nemese josparlanǧan şabuyldardyŋ törtınşı jaǧdaiy ekenı aityldy.
