Qaŋtarda Qazaqstan şekarasyn 30-ǧa juyq şeteldık būzyp ötken. Būl turaly ŪQK Şekara qyzmetı jariialady, dep habarlaidy “Adyrna” ūlttyq portaly.
Vedomstvo mälımetınşe, şekara keŋıstıgınde Qazaqstan zaŋyn būzǧan 3 785 adam ūstaldy, sonyŋ ışınde:
27 şetel azamaty şekarany būzǧany üşın ūstaldy;
12 şetel azamatynyŋ şekarany būzu äreketterınıŋ joly kesıldı.
Memlekettık şekara arqyly 1 248 zaŋsyz alyp ötu faktısınıŋ joly kesıldı, sonyŋ ışınde:
- jalpy salmaǧy 7 kelıden astam esırtkı zattary;
- sintetikalyq esırtkı jasauǧa arnalǧan prekursorlardyŋ 1 faktı, jalpy salmaǧy 1 285 kelıden joǧary;
- 113 – qaru men oq-därı (5-euı atuǧa jaramsyz, 1-euı - atu, 25-ı pnevmatikalyq, 152 suyq qaru, 105 oq-därı, 21 dana elektroşoker);
- 30 – dıni ädebiet (728 dana);
- 462 – jalpy somasy 18 mln teŋgeden asatyn janar-jaǧarmai materialdary (35 000 litrden astam);
- 491 – jalpy somasy 3,1 mlrd teŋgeden astam halyq tūtynu tauary;
- 115 – jalpy somasy 1,4 mlrd teŋgeden astam şetel valiutasy.
Kaspii akvatoriiasynda 29 brakonerlık faktınıŋ joly kesıldı, sondai-aq:
- 16 dana jüzu qūraly;
- jalpy ūzyndyǧy 17,4 km tordy qūraityn brakonerlık aulau qūraly;
- 139 dana (500 kelı) bekıre tūqymdas balyqtar.
"Būl faktıler boiynşa materialdar būzuşylardy jauapkerşılıkke tartu üşın qūqyq qorǧau jäne sot organdaryna jıberıldı. Memlekettık şekarada qandai da bır şekteu şaralary engızılgen joq, barlyq ötkızu punktı ştattyq rejimde jūmys ıstep jatyr", - delıngen ŪQK habarlamasynda.
