Qańtarda Qazaqstan shekarasyn 30-ǵa jýyq sheteldik buzyp ótken. Bul týraly UQK Shekara qyzmeti jarııalady, dep habarlaıdy “Adyrna” ulttyq portaly.
Vedomstvo málimetinshe, shekara keńistiginde Qazaqstan zańyn buzǵan 3 785 adam ustaldy, sonyń ishinde:
27 shetel azamaty shekarany buzǵany úshin ustaldy;
12 shetel azamatynyń shekarany buzý áreketteriniń joly kesildi.
Memlekettik shekara arqyly 1 248 zańsyz alyp ótý faktisiniń joly kesildi, sonyń ishinde:
- jalpy salmaǵy 7 keliden astam esirtki zattary;
- sıntetıkalyq esirtki jasaýǵa arnalǵan prekýrsorlardyń 1 fakti, jalpy salmaǵy 1 285 keliden joǵary;
- 113 – qarý men oq-dári (5-eýi atýǵa jaramsyz, 1-eýi - atý, 25-i pnevmatıkalyq, 152 sýyq qarý, 105 oq-dári, 21 dana elektroshoker);
- 30 – dinı ádebıet (728 dana);
- 462 – jalpy somasy 18 mln teńgeden asatyn janar-jaǵarmaı materıaldary (35 000 lıtrden astam);
- 491 – jalpy somasy 3,1 mlrd teńgeden astam halyq tutyný taýary;
- 115 – jalpy somasy 1,4 mlrd teńgeden astam shetel valıýtasy.
Kaspıı akvatorııasynda 29 brakonerlik faktiniń joly kesildi, sondaı-aq:
- 16 dana júzý quraly;
- jalpy uzyndyǵy 17,4 km tordy quraıtyn brakonerlik aýlaý quraly;
- 139 dana (500 keli) bekire tuqymdas balyqtar.
"Bul faktiler boıynsha materıaldar buzýshylardy jaýapkershilikke tartý úshin quqyq qorǵaý jáne sot organdaryna jiberildi. Memlekettik shekarada qandaı da bir shekteý sharalary engizilgen joq, barlyq ótkizý pýnkti shtattyq rejımde jumys istep jatyr", - delingen UQK habarlamasynda.
