قاڭتاردا قازاقستان شەكاراسىن 30-عا جۋىق شەتەلدىك بۇزىپ وتكەن. بۇل تۋرالى ۇقك شەكارا قىزمەتى جاريالادى، دەپ حابارلايدى “ادىرنا” ۇلتتىق پورتالى.
ۆەدومستۆو مالىمەتىنشە، شەكارا كەڭىستىگىندە قازاقستان زاڭىن بۇزعان 3 785 ادام ۇستالدى، سونىڭ ىشىندە:
27 شەتەل ازاماتى شەكارانى بۇزعانى ءۇشىن ۇستالدى;
12 شەتەل ازاماتىنىڭ شەكارانى بۇزۋ ارەكەتتەرىنىڭ جولى كەسىلدى.
مەملەكەتتىك شەكارا ارقىلى 1 248 زاڭسىز الىپ ءوتۋ فاكتىسىنىڭ جولى كەسىلدى، سونىڭ ىشىندە:
- جالپى سالماعى 7 كەلىدەن استام ەسىرتكى زاتتارى;
- سينتەتيكالىق ەسىرتكى جاساۋعا ارنالعان پرەكۋرسورلاردىڭ 1 فاكتى، جالپى سالماعى 1 285 كەلىدەن جوعارى;
- 113 – قارۋ مەن وق-ءدارى (5-ەۋى اتۋعا جارامسىز، 1-ەۋى - اتۋ، 25-ءى پنەۆماتيكالىق، 152 سۋىق قارۋ، 105 وق-ءدارى، 21 دانا ەلەكتروشوكەر);
- 30 – ءدىني ادەبيەت (728 دانا);
- 462 – جالپى سوماسى 18 ملن تەڭگەدەن اساتىن جانار-جاعارماي ماتەريالدارى (35 000 ليتردەن استام);
- 491 – جالپى سوماسى 3,1 ملرد تەڭگەدەن استام حالىق تۇتىنۋ تاۋارى;
- 115 – جالپى سوماسى 1,4 ملرد تەڭگەدەن استام شەتەل ۆاليۋتاسى.
كاسپي اكۆاتورياسىندا 29 براكونەرلىك فاكتىنىڭ جولى كەسىلدى، سونداي-اق:
- 16 دانا ءجۇزۋ قۇرالى;
- جالپى ۇزىندىعى 17,4 كم توردى قۇرايتىن براكونەرلىك اۋلاۋ قۇرالى;
- 139 دانا (500 كەلى) بەكىرە تۇقىمداس بالىقتار.
"بۇل فاكتىلەر بويىنشا ماتەريالدار بۇزۋشىلاردى جاۋاپكەرشىلىككە تارتۋ ءۇشىن قۇقىق قورعاۋ جانە سوت ورگاندارىنا جىبەرىلدى. مەملەكەتتىك شەكارادا قانداي دا ءبىر شەكتەۋ شارالارى ەنگىزىلگەن جوق، بارلىق وتكىزۋ پۋنكتى شتاتتىق رەجيمدە جۇمىس ىستەپ جاتىر", - دەلىنگەن ۇقك حابارلاماسىندا.
