Qyzylordada Antıkordyń jalǵan qyzmetkeri ustaldy. Bul týraly Sybaılas jemqorlyqqa qarsy is-qımyl agenttiginiń Qyzylorda oblysy boıynsha departamenti habarlady, dep jazady "Adyrna" ulttyq portaly.
"Bıylǵy jyldyń 13 jeltoqsanynda Sybaılas jemqorlyqqa qarsy is-qımyl agenttiginiń Qyzylorda oblysy boıynsha departamenti Agenttiktiń Ózindik qaýipsizdik departamentimen birlesip 1988 jyly týǵan ózin «Antıkordyń Qyzylorda oblysy boıynsha Ózindik qaýipsizdik qyzmetkeri» retinde kórsete otyryp, Sybaılas jemqorlyqqa qarsy qyzmetke jumysqa ornalastyrý syltaýymen qala turǵynyn aldaý jáne onyń senimin teris paıdalaný arqyly 500 000 teńge somasyndaǵy aqshalaı qarajatyn ıemdengen «J» azamatyn áshkereledi", - delingen habarlamada.
Tergeý múddesine oraı ózge aqparat jarııa etýge jatpaıdy.
"Adyrna" ulttyq portaly
