Qyrǧyzstannyŋ "Qaraköl" tau şaŋǧy bazasynda 1 aqpan künı aspaly joldyŋ bır tıregı qūlap, bırneşe adam biıkte qalyp qoidy, dep habarlaidy "Adyrna" ūlttyq portaly Kaktus.Media saityna sılteme jasap.
Oqiǧa Qaraköl şatqalynda ornalasqan tau şaŋǧy keşenınde bolǧan. Qyrǧyzstan tötenşe jaǧdailar ministrlıgınıŋ baspasöz qyzmetı habarlaǧandai, tehnikalyq top der kezınde şara qoldanyp, adamdardy qauıpsız jerge tüsırdı.
"Şaŋǧy bazasynyŋ tehnikalyq qyzmetı qajettı şaralardy qabyldap, adamdardy qauıpsız jerge tüsırdı. Sonymen qatar, demaluşylarǧa tüsındıru jūmystaryn jürgızu jäne qauıpsızdık şaralaryn baqylau üşın Qaraköl qalasynyŋ №15 tötenşe jaǧdailar bölımınıŋ jedel toby jıberıldı", – delıngen TJM habarlamasynda.Qazırgı uaqytta oqiǧa ornyna mamandar baryp, tötenşe jaǧdaidyŋ sebebın anyqtau jūmystary jürgızılıp jatyr.
Ūqsas jaŋalyqtar
