Jūmysşy mamandyqtar jyly aiasynda Qazaqstannyŋ bastamasymen ūiymdastyrylǧan alǧaşqy TurkicSkills 2025 käsıbi şeberlık chempionaty kolledjder men biznes qauymdastyq üşın maŋyzdy yntymaqtastyq alaŋyna ainaldy.
Chempionat aiasynda kolledjder käsıporyndarmen, şeteldık kolledjdermen 100-ge juyq yntymaqtastyq memorandumyna qol jetkızdı. Olar tehnikalyq jäne käsıptık bılım beru jüiesıne jaŋa tehnologiialardy, innovasiialyq jobalardy, zamanaui oqytu ädıstemelerın engızuge, WorldSkills qozǧalysyn damytuǧa, täjıribe almasuǧa, sondai-aq bırlesken jobalar men şeberlık synyptaryn ūiymdastyruǧa baǧyttalǧan.
«Būl kelısımder studentterımızge käsıbi daǧdylaryn jetıldıruge, halyqaralyq standarttarǧa säikes täjıribe jinaqtauǧa jäne eŋbek naryǧynda öz ornyn tabuǧa jaŋa mümkındıkter aşady. Sonymen qatar, bılım beru sapasyn arttyruǧa jäne zamanaui öndırıs talaptaryna sai bılıktı mamandar daiarlauǧa baǧyttalǧan maŋyzdy qadam bolyp tabylady», — deidı «Talap» KeAQ prezidentı Sanjar Tätıbekov.
Atap aitar bolsaq, Oqu-aǧartu ministrlıgınıŋ «Talap» kommersiialyq emes aksionerlık qoǧamy robototehnika salasynda «Dosti» kompaniialar toby JŞS tehnikalyq jäne käsıptık, orta bılımnen keiıngı bılım berudı damytu maqsatynda özara yntymaqtastyq turaly memorandumǧa qol qoidy. Sonymen qatar, H. Özbekqaliev atyndaǧy Maŋǧystau joǧary politehnikalyq kolledjı men «KidsGo Technology Ltd.» kompaniiasy arasynda aqparattyq tehnologiialar, jasandy intellekt, robototehnika jäne sifrlyq bılım beru baǧdarlamalary salasynda yntymaqtastyq ornatyldy.
Aita keteiık, halyqaralyq TurkicSkills 2025 käsıbi şeberlık chempionatyna Qazaqstan, Türkiia, Äzerbaijan, Majarstan, Özbekstan jäne Qyrǧyzstan elderınen 16-22 jas aralyǧyndaǧy 70-ke juyq student pen jas maman, sondai-aq 90-ǧa juyq joǧary bılıktı sarapşy qatysuda.
