Änşını «Manas» halyqaralyq äuejaiynda resmi tūlǧalar, konsert ūiymdastyruşylary jäne janküierlerı qarsy aldy. Olardyŋ qatarynda Qyrǧyzstan Prezidentı äkımşılıgınıŋ aqparattyq saiasat qyzmetınıŋ jetekşısı Daiyrbek Orunbekov pen Prezident Is basqarmasy basşysynyŋ bırınşı orynbasary Boobek Salimjanov boldy.
Şakiranyŋ konsertı bügın saǧat 19:00-de Bışkektegı «Bışkek Arena» stadionynda bastalady. Astana uaqytymen būl – 18:00. Ūiymdastyruşylardyŋ mälımetınşe, būl änşınıŋ Ortalyq Aziiadaǧy alǧaşqy konsertı bolmaq. Būǧan deiın Qyrǧyzstan Prezidentınıŋ Is basqarmasy şaraǧa älemnıŋ 33 elınen körermen keletının habarlaǧan.
Bışkekke taban tıregen änşı Instagram paraqşasynda «Salam, Kyrgyzstan!» degen jazbamen suret jariialap, jergılıktı janküierlerıne sälem joldady.
Konsert ärtıstıŋ Las Mujeres Ya No Lloran World Tour atty älemdık turnesı aiasynda ūiymdastyrylyp otyr. Körermender keş barysynda Hips Don't Lie, Waka Waka, Whenever, Wherever jäne She Wolf sekıldı tanymal änderın, sondai-aq jaŋa albomyndaǧy tuyndylaryn tyŋdai alady.
Irı muzykalyq şaraǧa bailanysty Bışkek qalasynyŋ polisiiasy küşeitılgen qyzmet rejimıne köştı.
