Abysyn. Aǵaıyndy adamdardyń áıelderi.
Baja. Bir adamnyń nemese aǵaıyndy kisilerdiń qyzdaryna úılengen adamdar.
Bóle. Birge týǵan apaly-sińlili kisilerdiń balalarynyń arasyńdaǵy týystyq qatynastyń ataýy.
Baldyz. Áıel adamdardyń jasy kishi týystary.
Ene. Erli-zaıyptylardyń analary bir-birine ene bolady.
Quda. Kúıeý men qalyndyqtyń (erli-zaıypty adamdardyń) atalary, ákeleri.
Quda bala. Qudasynyń balasy (uly) t. b. jasy kishi týysy.
Qudaǵı. Kúıeý men qalyńdyqtyń shesheleri nemese ájeleri. (Qudańdal adamdardyń áıelderi).
Quda-jekjat. Ilik-shatys quda adamdar.
Qudandaly. Qyz alysyp, qyz berisken, súıek shatysy bar adamdar.
Qudasha. Erli-zaıypty adamdardyń jasy kishi áıel týystary; qudandaly adamdardyń qyzdary.
Jıen. Kúıeýge shyqqan qyzdan týǵan bala.
Jıenshar. Jıennen týǵan bala.
Jeńge. Jasy úlken aǵasynyń kelinshekteri.
Jezde. Týysqan adamdardyń ózinen úlken apasynyń kúıeýi.
Kıit. Quda-qúdaǵılarǵa kıim-keshek túrinde beriletin syılyq.
Kúıeý. Áıeldiń eri, jubaıy.
Kelin. Ata-ana úshin balasynyń áıeli de, jasy úlken aǵalary men týysqandary úshin inisiniń áıeli.
Qaıyn. Qyz alyp, qyz bergen eki eldiń kúıeý men kelinge týystyq qatynasyn bildiretin sóz.
Qaıyn aǵa. Erli-zaıyptylardyń týǵan jáne týyskan aǵalary.
Qaıyn ata. Kúıeý men kelinshektiń týǵan ákeleri.
Qaıyn ene. Erli-zaıyptylardyń týǵan shesheleri.
Qaıyn bıke. Kúıeýiniń týǵan – týysqan ápkeleri.
Qaıyn sińli. Kúıeýiniń qaryndastary.