ابىسىن. اعايىندى ادامداردىڭ ايەلدەرى.
باجا.ء بىر ادامنىڭ نەمەسە اعايىندى كىسىلەردىڭ قىزدارىنا ۇيلەنگەن ادامدار.
بولە. بىرگە تۋعان اپالى-ءسىڭلىلى كىسىلەردىڭ بالالارىنىڭ اراسىڭداعى تۋىستىق قاتىناستىڭ اتاۋى.
بالدىز. ايەل ادامداردىڭ جاسى كىشى تۋىستارى.
ەنە. ەرلى-زايىپتىلاردىڭ انالارى ءبىر-بىرىنە ەنە بولادى.
قۇدا. كۇيەۋ مەن قالىندىقتىڭ (ەرلى-زايىپتى ادامداردىڭ) اتالارى، اكەلەرى.
قۇدا بالا. قۇداسىنىڭ بالاسى (ۇلى) ت. ب. جاسى كىشى تۋىسى.
قۇداعي. كۇيەۋ مەن قالىڭدىقتىڭ شەشەلەرى نەمەسە اجەلەرى. (قۇداڭدال ادامداردىڭ ايەلدەرى).
قۇدا-جەكجات. ىلىك-شاتىس قۇدا ادامدار.
قۇداندالى. قىز الىسىپ، قىز بەرىسكەن، سۇيەك شاتىسى بار ادامدار.
قۇداشا. ەرلى-زايىپتى ادامداردىڭ جاسى كىشى ايەل تۋىستارى; قۇداندالى ادامداردىڭ قىزدارى.
جيەن. كۇيەۋگە شىققان قىزدان تۋعان بالا.
جيەنشار. جيەننەن تۋعان بالا.
جەڭگە. جاسى ۇلكەن اعاسىنىڭ كەلىنشەكتەرى.
جەزدە. تۋىسقان ادامداردىڭ وزىنەن ۇلكەن اپاسىنىڭ كۇيەۋى.
كيىت. قۇدا-قۇداعيلارعا كيىم-كەشەك تۇرىندە بەرىلەتىن سىيلىق.
كۇيەۋ. ايەلدىڭ ەرى، جۇبايى.
كەلىن. اتا-انا ءۇشىن بالاسىنىڭ ايەلى دە، جاسى ۇلكەن اعالارى مەن تۋىسقاندارى ءۇشىن ءىنىسىنىڭ ايەلى.
قايىن. قىز الىپ، قىز بەرگەن ەكى ەلدىڭ كۇيەۋ مەن كەلىنگە تۋىستىق قاتىناسىن بىلدىرەتىن ءسوز.
قايىن اعا. ەرلى-زايىپتىلاردىڭ تۋعان جانە تۋىسكان اعالارى.
قايىن اتا. كۇيەۋ مەن كەلىنشەكتىڭ تۋعان اكەلەرى.
قايىن ەنە. ەرلى-زايىپتىلاردىڭ تۋعان شەشەلەرى.
قايىن بيكە. كۇيەۋىنىڭ تۋعان – تۋىسقان اپكەلەرى.
قايىن ءسىڭلى. كۇيەۋىنىڭ قارىنداستارى.
