Şerzat Polattyŋ ısı boiynşa tergeu aiaqtaldy. Būl turaly jäbırlenuşı taraptyŋ advokattary mälımdedı, dep habarlaidy “Adyrna” ūlttyq portaly.
Şerzat Polattyŋ otbasynyŋ advokaty Karina Köşerbaevanyŋ aituynşa, sotqa deiıngı tergeu aiaqtalǧan.
«17 qaŋtarda Şerzattyŋ ölımıne qatysty qyşlmystyq ıs boiynşa sotqa deiıngı tergeu aiaqtaldy. Būl turaly bızge tergeuden habarlama keldı. Endı bız qylmystyq ıs materialdarymen tanysudy bastaimyz», deidı Karina Köşerbaeva.
Eske sala keteiık, 2024 jyly 4 qazan künı Almaty oblysynda jas jıgıtter jabylyp, 16 jastaǧy jasöspırım Şerzat Polatty öltırgen bolatyn. Bır top jıgıt jasöspırımdı tepkılep jatqanyn maŋaidaǧy tūrǧyndar videoǧa tüsırıp alǧan.
Keiın 12 qazanǧa qaraǧan tünı marqūmnyŋ otbasynyŋ üiı örtenıp kettı. Şerzattyŋ tuystary örttı küdıktı taraptyŋ äreketımen bailanystyrdy.
2024 jeltoqsanda Şerzat Polattyŋ aǧasy Nūrqanat Ǧaiypbaev ta qaza tapty. Ony öz-özıne qol salǧan delındı.
Talǧarda 10 jeltoqsan künı polisiia Qarjaubai Nūrymovty ūstady. Bauyry Nūrqanat Ǧaiypbaevtı qara jerge tapsyrǧannan keiın Qarjaubai Nūrymov pen onyŋ tuǧan-tuystary qūqyq qorǧau organdary qyzmetkerlerınen taǧy da ädıl tergeudı talap etken edı. Video äleuettık jelılerde paida bolǧan. Nūrqanat pen Şerzattyŋ tuǧan-tuystary jolǧa şyǧyp, bolǧan jaitty baian etken. Narazylyqtaryn jetkızgen.
Keiın Şerzattyŋ äkesı men äpkesı 15 künge qamalǧany belgılı boldy.
