Sherzat Polattyń isi boıynsha tergeý aıaqtaldy. Bul týraly jábirlenýshi taraptyń advokattary málimdedi, dep habarlaıdy “Adyrna” ulttyq portaly.
Sherzat Polattyń otbasynyń advokaty Karına Kósherbaevanyń aıtýynsha, sotqa deıingi tergeý aıaqtalǵan.
«17 qańtarda Sherzattyń ólimine qatysty qyshlmystyq is boıynsha sotqa deıingi tergeý aıaqtaldy. Bul týraly bizge tergeýden habarlama keldi. Endi biz qylmystyq is materıaldarymen tanysýdy bastaımyz», deıdi Karına Kósherbaeva.
Eske sala keteıik, 2024 jyly 4 qazan kúni Almaty oblysynda jas jigitter jabylyp, 16 jastaǵy jasóspirim Sherzat Polatty óltirgen bolatyn. Bir top jigit jasóspirimdi tepkilep jatqanyn mańaıdaǵy turǵyndar vıdeoǵa túsirip alǵan.
Keıin 12 qazanǵa qaraǵan túni marqumnyń otbasynyń úıi órtenip ketti. Sherzattyń týystary órtti kúdikti taraptyń áreketimen baılanystyrdy.
2024 jeltoqsanda Sherzat Polattyń aǵasy Nurqanat Ǵaıypbaev ta qaza tapty. Ony óz-ózine qol salǵan delindi.
Talǵarda 10 jeltoqsan kúni polıııa Qarjaýbaı Nurymovty ustady. Baýyry Nurqanat Ǵaıypbaevti qara jerge tapsyrǵannan keıin Qarjaýbaı Nurymov pen onyń týǵan-týystary quqyq qorǵaý organdary qyzmetkerlerinen taǵy da ádil tergeýdi talap etken edi. Vıdeo áleýettik jelilerde paıda bolǵan. Nurqanat pen Sherzattyń týǵan-týystary jolǵa shyǵyp, bolǵan jaıtty baıan etken. Narazylyqtaryn jetkizgen.
Keıin Sherzattyń ákesi men ápkesi 15 kúnge qamalǵany belgili boldy.
