Sankt-Peterburgtegı Mäskeu vokzalynda bet-älpettı tanu jüiesı «Svoboda vajnee mody» rok-tobynyŋ vokalisı Dmitrii Galiaminskihtı ukrainalyq jurnalist Dmitrii Gordonmen şatastyryp alǧan. Būl turaly änşı jelıdegı paraqşasynda jazdy, dep habarlaidy «Adyrna» tılşısı.
«Bıreu artymnan jügırıp kele jatqanyn sezdım. «Menı tanyǧan şyǧar, avtograf nemese bırge suretke tüsudı sūraityn bolar» dep oiladym. Artyma qarasam, poliseiler jügırıp kele jatqanyn kördım. Olar menı bırden ūstap aldy. Bet-älpettı tanu jüiesı menı “jurnalist-terrorist” Dmitrii Gordon dep tanyǧan», — dep jazdy ol.
Vokalistıŋ aituynşa, poliseilerdıŋ bırı ony şynymen Gordon dep oilap, «jasyrynyp jürgen-jürmegenın tekseru üşın saqaly men şaşyn ūstap körgen».
Dmitrii Gordon — Kiev qalasynyŋ tumasy. Ol ärtürlı ukrain basylymdarynda jūmys ıstep, 1996 jyldan bastap «V gostiah u Dmitriia Gordona» telebaǧdarlamasyn jürgızgen. Baǧdarlamaǧa türlı tanymal tūlǧalardy şaqyrǧan. 2010 jyly «Gordon» internet-jobasyn qūryp, Kiev qalalyq keŋesıne deputat bolyp sailanǧan. Är jyldary onyŋ baǧdarlamasyna Aleksandr Lukaşenko, Mihail Saakaşvili, Vladimir Zelenskii, İgor Kolomoiskii, İrina Rodnina, İosif Kobzon qatysqan.
2022 jyldyŋ qyrküiegınde Resei ädılet ministrlıgı Gordondy şetel agentterı tızımıne engızdı, sol jyly ukrainalyq jurnalist halyqaralyq ızdeuge jariialandy. Oǧan qatysty bırneşe qylmystyq ıs qozǧalǧan. 2024 jyldyŋ küzınde Ekınşı Batys okrugtık äskeri soty ony terrorizmge şaqyru jäne äsker turaly jalǧan aqparat taratu ısı boiynşa syrttai 14 jylǧa bas bostandyǧynan aiyruǧa ükım şyǧardy.
