Saltanat Núkenovanyń ólimine qatysty tergeý jumystary aıaqtaldy. Bul týraly advokat Janna Muhamadı málimdedi, dep habarlaıdy “Adyrna” ulttyq portaly.
Alaıda qorǵaýshy qylmystyq iske qatysty materıaldardy Saltanat Núkenovanyń otbasyna tolyq kórsete almaıtynyn jetkizdi.
Onyń aıtýynsha, taraptar is materıaldarymen tanysqan soń jáne qorǵaýshy taraptyń ótinishinen keıin is prokýratýraǵa sheshim shyǵarý úshin joldanady.
"Mundaı qatygezdikti, salqynqandylyqty kórgen emespin. Qazirgi ýaqytta Saltanattyń otbasyna degen qurmetimiz úshin kisi óltirý oqıǵasynyń mán-jaıyn aıta almaımyz. Taraptar is materıaldarymen tanysyp, qorǵaý týraly ótinishterin bergennen keıin is sheshim qabyldaý úshin prokýratýraǵa jiberiledi”, - dep habarlady advokat.
Eske salaıyq, Saltanat Núkenovany óltirdi degen kúdikpen eks-mınıstr Qýandyq Bıshimbaev ustalǵan bolatyn. Áıel elordadaǵy meıramhanada kóz jumdy.
