2025 jylǧy 18 qaŋtarda Qazaqstan men Resei arasyndaǧy memlekettık şekara turaly şartqa qol qoiylǧanyna 20 jyl toldy. Būl qūjat şekarany delimitasiialaudyŋ aiaqtaluyn jäne ekı el arasyndaǧy tūraqty, tatu körşılık qarym-qatynastardyŋ ornauyn bıldırdı, dep habarlaidy "Adyrna" ūlttyq portaly Baq.kz-ke sıltep.
Qazaqstan men Resei arasyndaǧy şekara 2005 jyly kartada naqty anyqtalyp, delimitasiiadan öttı. Kelısım 2006 jyldyŋ qaŋtarynda küşıne endı. Būl postkeŋestık keŋıstıktegı eŋ ūzyn qūrlyq şekarasy – 7548 şaqyrymdy beibıt ärı tiımdı retteudıŋ ülgısıne ainaldy.
Memleket basşysy Qasym-Jomart Toqaev būl kelısımdı halyqaralyq deŋgeide tanylǧan, ekıjaqty tūraqtylyqtyŋ negızı dep atady. Onyŋ aituynşa, şekara turaly şart Bırıkken Ūlttar Ūiymynyŋ Hatşylyǧynda tırkelgen jäne aumaqtyq daularǧa jol bermeidı.
Şekaranyŋ naqty anyqtaluy – kez kelgen täuelsız memleket üşın asa maŋyzdy. Būl kelısım Qazaqstan men Resei arasyndaǧy ekonomikalyq jäne saiasi qatynastardyŋ nyǧaiuyna negız qalady. Sonymen qatar, şekara aimaǧyndaǧy zaŋsyz köşı-qon men kontrabandaǧa qarsy küreste maŋyzdy röl atqardy.
Bügınde ekı el arasyndaǧy şekarany demarkasiialau jüielı türde jalǧasyp keledı. Būl prosess şekarany naqtylaumen qatar, qauıpsızdık pen ekonomikalyq yntymaqtastyqty damytuǧa yqpal etedı.
Qazaqstan men Resei energetika, kölık, logistika jäne auyl şaruaşylyǧy salalarynda bırqatar bırlesken jobalardy jüzege asyryp keledı. Mysaly, üş jaŋa JEO qūrylysy, Ekıbastūz GRES-ın jaŋǧyrtu jäne eldıŋ oŋtüstık jäne şyǧys aimaqtaryn gazdandyru siiaqty ırı jobalar ıske asyryluda.
Resei Qazaqstannyŋ eŋ ırı sauda serıktesterınıŋ bırı bolyp tabylady. 2024 jyldyŋ qaŋtar-qyrküiek ailarynda ekı el arasyndaǧy tauar ainalymy 20 milliard dollardan asty.
Saiasattanuşy Äigerım Ospanova Qazaqstan men Resei arasyndaǧy şekara kelısımı postkeŋestık keŋıstıktegı tūraqtylyq pen beibıt şeşımnıŋ ülgısı ekenın atap öttı. Onyŋ aituynşa, ekonomikalyq, mädeni jäne saiasi baǧyttarda yntymaqtastyqty odan ärı damytu ekı eldıŋ müddesıne säikes keledı.
Ūqsas jaŋalyqtar
