Semeı qalasynda shyrshany bezendirý kezinde jaraqat alǵan muǵalim aýrýhanadan shyqty, dep habarlaıdy "Adyrna" ulttyq portaly.
Oqý-aǵartý mınıstri Ǵanı Beısembaev úkimettegi baspasóz konferenııasynda oqıǵa mán-jaıyn tekserý barysynda jaýapty tulǵalar tártiptik jazaǵa tartylǵanyn aıtty.
"Qala ákiminiń orynbasaryna eskertý berildi. Bilim bóliminiń basshysy pedagog mártebesi týraly zańdy oryndaýdaǵy nemquraıdylyǵy úshin qyzmetinen bosatyldy. Úsh mektep dırektory da tártiptik jaýapkershilikke tartyldy", – dedi Ǵanı Beısembaev.
Mınıstr muǵalimge ótemaqy tóleý máselesi sheshilip jatqanyn, sondaı-aq muǵalimniń densaýlyǵyn qalpyna keltirýge úlken kóńil bólingenin atap ótti. Ǵanı Beısembaevtyń aıtýynsha, muǵalimniń jaǵdaıy jaqsy.
"Bizdiń muǵalimniń densaýlyǵy erekshe baqylaýǵa alyndy. Búgin tańerteń ol aýrýhanadan saý kúıinde shyqty. Sondyqtan áriptesimizdiń jumys ornyna tolyq oralýy úshin ári qaraı kómektesýdi jalǵastyramyz", – dedi mınıstr.
Ǵanı Beısembaev memlekettik organdardyń bilim basqarmasynyń basshylyǵy jáne ákimniń orynbasarlarymen shuǵyl keńes ótkizgenin, osyndaı buzýshylyqtarǵa jol bermeý úshin qosymsha sharalar qabyldanǵanyn aıtty. Sonymen qatar, pedagog mártebesi týraly zań buzýshylyqtarǵa monıtorıng júrgizý tapsyryldy.
Eske sala keteıik, jeltoqsan aıynda Semeı qalasynda muǵalim jańa jyldyq shyrshany bezendirý kezinde bıiktikten qulap, jaraqat alǵan edi.
