Semeı qalasynyń 14 jasar turǵyny Nurjigit Áshimjanov Ertis ózeniniń jaǵasynda batyp bara jatqan qyzdy qutqaramyn dep erlikpen qaza tapty, dep habarlaıdy "Adyrna" tilshisi. Bul týraly Facebook jelisiniń belsendi qoldanýshysy aıtty.
Nurjigit Ertis ózenine dostarymen demalýǵa barǵan. Kenetten sýǵa batyp bara jatqan qyzdy kórip, ózi jaqsy júzý bilmese de batyrlyq tanytyp sýǵa sekirdi. Qyzdy jaǵaǵa deıin jetkizýge kúshi jetkenimen, ózi jaǵaǵa shyǵýǵa hali shydamady. Oqıǵa kýágerleri Nurjigitti es-tússiz kúıde sýdan shyǵaryp, aman alyp qalý úshin barlyq amaldy jasady. Jedel-járdem brıgadasy da jasóspirimdi reanımaııalyq sharalarmen qamtamasyz etti. Biraq, jas batyr máńgilik mekenge attanyp ketti.
Kelesi kúni Nurjigit qaıtys bolǵannan keıin «Sýǵa batyp bara jatqan adamdardy qutqarǵany úshin» medalimen marapattaldy.
Keń júrekti kishkentaı batyr!
"Adyrna" ulttyq portaly Nurjigittiń týystary men jaqyndaryna qaıǵyryp kóńil aıtady.
