Senbi kúni Seýldiń ortalyǵynda myńdaǵan demonstranttar jınalyp, Ońtústik Koreıanyń bılikten shettetilgen prezıdenti Iýn Sok Ioldiń dereý qamaýǵa alynýyn talap etti, dep habarlaıdy "Adyrna" ulttyq portaly Kazinform agenttigine silteme jasap.
Koreıa Respýblıkasy birneshe aptadan beri is júzinde basshylyqsyz ómir súrip jatyr. Bir aı buryn parlament Iýn Sok Iol men onyń orynbasary Han Dok Sýǵa ımpıchment jarııalandy. Qazir eldi ekonomıka mınıstri basqaryp otyr.
Demonstranttar Iýn Sok Iolge jeltoqsan aıynyń basynda tótenshe jaǵdaı engizýge tyrysqany úshin «búlik» jasady degen aıyp taǵylǵanyna baılanysty ony dereý qamaýǵa alýdy talap etti. Narazylyq bildirýshilerdi yzalandyrǵany – quqyq qorǵaý organdarynyń prezıdentti qamaýǵa alý áreketine onyń jeke kúzet qyzmeti kedergi keltirgeni.
Eldiń sybaılas jemqorlyqqa qarsy agenttigi qaýipsizdik qyzmetiniń prezıdenttiń rezıdenııasyna birneshe saǵat boıy tergeýshilerdi kirgizbegennen keıin, olardyń qaýipsizdigine alańdap, tergeýshilerin qaıtaryp alǵanyn málimdedi.
Sonymen qatar, Iýn Sok Ioldiń jaqtastary da kóshege shyǵyp, Ulttyq Assambleıa jarııalaǵan ımpıchmentti alyp tastaýdy talap etti.
Yonhap agenttiginiń derekterine súıensek, Seýldiń ortalyǵyndaǵy Kvanhvamýn alańynda shamamen 35 000 adam Iýndy qoldaý mıtıngisine qatysyp, keıinnen Ionsan aýdanynyń Hannam-don aımaǵyna baryp, Iýnǵa qarsy shyqqan narazylyq bildirýshilerge qarsylyq kórsetken.
400 metr qashyqtyqta Koreıanyń Kásipodaqtar Konfederaııasynyń (KCTU) músheleri Iýndy dereý qamaýǵa alýdy talap etip, mıtıng ótkizgen.
KCTU músheleri Iýnnyń rezıdenııasyna jaqyndamaq bolǵan, biraq polıııa olardy bógep tastady. Qaqtyǵys barysynda polıııa qyzmetkerlerine shabýyl jasady degen aıyppen eki adam ustaldy.
Narazylyq bildirýshiler joldardy jaýyp tastap, aımaqta kólik qozǵalysynyń aıtarlyqtaı qıyndaýyna sebep boldy. Sondaı-aq, Seýldegi Hangandjın stanııasy ýaqytsha jabylyp, poıyzdar bul stanııaǵa toqtamaı ótip jatyr.
Bılikten shettetilgenine qaramastan, Iýn Sok Iol keıbir artyqshylyqtaryn saqtap qalyp, onyń isi Konstıtýııalyq sotta qaralǵansha, kúzet qyzmetiniń qorǵaýynda bolmaq.
Eske salsaq, 14 jeltoqsanda Ońtústik Koreıa parlamentiniń 300 depýtatynyń 204-i Iýn Sok Ioldi prezıdenttik qyzmetinen shettetýge daýys bergen bolatyn. Bul sheshimge onyń elde tótenshe jaǵdaı engizýi sebep boldy.
