Osy bir qasiretke toly muńdy ándi estigen saıyn kóńilim buzylady.... alǵashqy estigenim esime túsedi.
Umytpasam, 1988-jyl, Monǵolııa, Ýlanbatyr qalasyndaǵy Tehnıkalyq ýnıversıtette stýdentpin.
Qysqy demalysta aýylǵa keldim, ol kezde Baıan-ólgılik qazaqtar Azattyq radıosyn tyńdaıdy.
Azattyq radıosynan Jeltoqsan týraly turaqty habar berip turady, osy ándi jurt radıodan estigen eken.
Aýylǵa kelgendegi birinshi estigen jańalyǵym osy boldy "Jeltoqsan týraly óte kúshti án shyǵypty, azattyq radıosynan kúnde beredi" - degen..
Azattyqtyń habar taratatyn ýaqyty tańǵy saǵat alty, jeti shamasynda bolatyn..
Tańerteń erte oıanyp, radıony qosyp tyńdaýǵa kiristim, aıtqandaı Jeltoqsan kóterilisi týraly habardyń kezekti bólimin jalǵastyrdy... habar sońynda suńqyldatyp "Jeltoqsan birde, el tosqan túrde, keletin múlde jaıdarly..."- dep bastap jiberdi...
Jan - dúnıem astań - kesteń boldy... júregim qan jylady,eki kózimdi jas jaýdy...
Tuńǵysh ret ókindim... shette týǵanyma, Almatyda oqymaǵanyma.... alańǵa shyqqan qazaqtyń ul - qyzdarymen birge taıaq jemegenime ókindim.
1986-jyly Jeltoqsanda alańǵa atoılap shyqqan, keýdesin yza men kek býǵan, namys men erliktiń ıesi - Qazaqtyń uly men qyzy... meniń týysym edi, meniń qanym edi, kóbisi meniń qurdastarym edi..
Men ózimdi osy erjúrek batyrlardyń aldynda máńgilik qaryzdar sanaımyn...
Ómirtaı Lahan
