Osy bır qasıretke toly mūŋdy ändı estıgen saiyn köŋılım būzylady.... alǧaşqy estıgenım esıme tüsedı.
Ūmytpasam, 1988-jyl, Monǧoliia, Ulanbatyr qalasyndaǧy Tehnikalyq universitette studentpın.
Qysqy demalysta auylǧa keldım, ol kezde Baian-ölgilık qazaqtar Azattyq radiosyn tyŋdaidy.
Azattyq radiosynan Jeltoqsan turaly tūraqty habar berıp tūrady, osy ändı jūrt radiodan estıgen eken.
Auylǧa kelgendegı bırınşı estıgen jaŋalyǧym osy boldy "Jeltoqsan turaly öte küştı än şyǧypty, azattyq radiosynan künde beredı" - degen..
Azattyqtyŋ habar taratatyn uaqyty taŋǧy saǧat alty, jetı şamasynda bolatyn..
Taŋerteŋ erte oianyp, radiony qosyp tyŋdauǧa kırıstım, aitqandai Jeltoqsan köterılısı turaly habardyŋ kezektı bölımın jalǧastyrdy... habar soŋynda sūŋqyldatyp "Jeltoqsan bırde, el tosqan türde, keletın mülde jaidarly..."- dep bastap jıberdı...
Jan - düniem astaŋ - kesteŋ boldy... jüregım qan jylady,ekı közımdı jas jaudy...
Tūŋǧyş ret ökındım... şette tuǧanyma, Almatyda oqymaǧanyma.... alaŋǧa şyqqan qazaqtyŋ ūl - qyzdarymen bırge taiaq jemegenıme ökındım.
1986-jyly Jeltoqsanda alaŋǧa atoilap şyqqan, keudesın yza men kek buǧan, namys men erlıktıŋ iesı - Qazaqtyŋ ūly men qyzy... menıŋ tuysym edı, menıŋ qanym edı, köbısı menıŋ qūrdastarym edı..
Men özımdı osy erjürek batyrlardyŋ aldynda mäŋgılık qaryzdar sanaimyn...
Ömırtai Lahan
Ūqsas jaŋalyqtar
