Ult-azattyq kúresiniń qurbany, jeltoqsanshy Lázzat Asanovadaı qyz tárbıelep ósirgen batyr ana ómirden ozdy. Lázzat Orazhanqyzynyń anasy Altynaı Asanova "Adyrna" ulttyq portalyna birneshe márte suhbat berip, qyzy Lázzattyń ólimi áli kúnge deıin júregine óte aýyr salmaq salatyndyǵyn, qupııa ólimindegi kóptegen kúmándi jaıttarmen talaı bólisken edi.
Qyrshyn ketken qyzynyń qatal taǵdyry ana júregin de aıaýsyz talaı tilgilegeni, tilimdegeni sózsiz. Qanshama uıqysyz túnder qaıǵymen ótkenin tek oısha ǵana elestetýge bolady. Sonyń bárine shydaǵan ananyń asyl júregine qandaı qurmet kórsetilse de jarasymdy. Ókinishke oraı biz selqos, ózimizge tikeleı qatysy bolmasa, myńq ete qoımaıtyn meńireý qoǵambyz.
Batyr Lázzat Asanovanyń anasy da - batyr!
Júrekke taǵdyr talaı saldy jara...
Baqul bol, asyl ana, batyr ana!
Marqumnyń týǵan-týystaryna "Adyrna" ulttyq portaly atynan qaıǵyryp kóńil aıtamyz.
"Adyrna" ulttyq portaly
