Jeltoqsanshylardy “lańkeske” teńegen sheneýnik qyzmetinen shettetildi. Bul týraly jýrnalıst Jeńis Ospanov óziniń fb paraqshasynda habarlady, dep jazady “Adyrna” ulttyq portaly.
“Bıyl 15 jeltoqsanda «Amanat» partııasynyń Aqmola oblystyq fılıalyna J.J.Kaımrdenovten Sandyqtaý aýdandyq «Amanat» partııasynyń atqarýshy hatshysy L.Lovıagınanyń 1986 jylǵy jeltoqsan oqıǵasyna qatysýshylardyń atyna jaǵymsyz pikirler aıtqandyǵy týraly jazbasha aryz kelip tústi.
19 jeltoqsanda oblystyq partııa fılıalynyń partııalyq baqylaý komıssııasy qyzmettik tekserý júrgizý úshin Sandyqtaý aýdanyna bardy. 22 jeltoqsanda partııa fılıalynyń Saıası keńesiniń bıýrosynda qyzmettik tekserý nátıjeleri shyǵyp, L.A. Lovıagına atqaryp otyrǵanqyzmetinen bosatyldy.
"Amanat" partııasynyń Aqmola oblystyq fılıaly - dep jazypty.Keshegi jazǵan janaıqaımyz joǵarǵy tarapqa jetti. Aqmola oblysynyń Sandyqtaý aýdanyndaǵy "Amanat" partııasynyń fılıal basshysy L.A. Lovıagına qyzmetinen ketip, keshirim surady. Qazaq eshqashan lańkes bolmaǵan. Bizdiń óz elimiz, Prezıdentimiz, Zańymyz Táýelsiz memleketimiz bar. Ony qorǵaımyz da, qoldaımyz da!!!”,- dep jazdy jýrnalıst.
“Adyrna” ulttyq portaly
