Qytaidan Özbekstanǧa Qazaqstandy ainalyp ötetın jaŋa temırjol baǧytynyŋ qūrylysy jeltoqsan aiynda bastalady, dep habarlaidy "Adyrna" ūlttyq portaly QazTAG agentıgıne sılteme jasap.
«Qytai – Qyrǧyzstan – Özbekstan» temırjol qūrylysy jobasy ondaǧan jyldar boiy qaǧaz betınde ǧana qalyp keldı. Endı ıske asady. Bız būl jobany bastaǧanda, köptegen adam senbedı, tıptı ony ertegı dep mazaq ettı. Endı bärı onyŋ ertegı emes, naqty joba ekenın körıp otyr. 27 jeltoqsanda resmi qūrylys jūmystary bastalady», — dedı Japarov jūma künı qyrǧyz halqyna jasaǧan ündeuınde.
Onyŋ aituynşa, būl jol Şyǧys pen Batysty bailanystyratyn strategiialyq köpırge ainalyp, sauda, turizm jäne önerkäsıp üşın jaŋa mümkındıkter aşady.
«Qytaimen şekaradaǧy «Bedel» ötkızu beketınıŋ aşyluy eldıŋ tranzittık äleuetın arttyryp, jük jäne jolauşylar aǧynyn jyldamdatady. Biznes üşın jaŋa mümkındıkter jasap, negızgı serıktestermen sauda bailanystaryn nyǧaitady. Būl strategiialyq maŋyzdy nysan Qyrǧyzstannyŋ kölık infraqūrylymyn damytu jäne jahandyq ekonomikaǧa integrasiialau jolyndaǧy pragmatikalyq täsıldıŋ simvoly bolmaq. Sonymen qatar, Qyrǧyzstandy halyqaralyq kölık habyna ainaldyru jolyndaǧy taǧy bır qadam bolyp tabylady», — dep mälımdedı Japarov.
Qazırgı uaqytta Qytaidan Özbekstanǧa temırjol jükterınıŋ negızgı marşruty Qazaqstan arqyly ötedı. Jükter Qytaidyŋ ırı qalalarynan jöneltılıp, Qytai men Qazaqstan şekarasyndaǧy Alaşankou – Dostyq nemese Horgos – Altynköl ötkızu beketterınen ötedı. Odan ärı Qazaqstan aumaǧy arqyly Almaty, Aqtoǧai nemese Türkıstan siiaqty negızgı toraptardan ötıp, Qazaqstannyŋ oŋtüstık öŋırlerı arqyly Saryaǧaş – Taşkent siiaqty ötkelderımen Özbekstanǧa jetkızıledı.
Ūqsas jaŋalyqtar
