Densaýlyq saqtaý mınıstrliginiń múlki Nazarbaev ýnıversıtetine beriledi

1768
Adyrna.kz Telegram

Densaýlyq saqtaý mınıstrliginiń menshigindegi qurylysy aıaqtalmaǵan nysandar Nazarbaev ýnıversıtetiniń balansyna beriledi. Qaýly Ashyq normatıvtik quqyqtyq aktilerdiń ınternet-portalynda jarııalandy, dep habarlaıdy «Adyrna» tilshisi.

«Densaýlyq saqtaý mınıstrliginiń balansynan «Nazarbaev ýnıversıteti» derbes bilim berý uıymynyń menshigine aıaqtalmaǵan qurylysqa arnalǵan shyǵyndar túrindegi respýblıkalyq múlik berilsin»,- delingen Úkimet qaýlysynyń jobasynda.

Múlikti oqý ornyna berý bastamasy ótken jyly anyqtalǵan mınıstrliktiń esep aýdıtindegi olqylyqtaryn joıý úshin usynylyp otyr.

Endi «Nazarbaev ýnıversıtetiniń» menshigine jalpy somasy 516 mln 911 myń 331 teńge bolatyn qurylysy aıaqtalmaǵan myna nysandar ótedi:

- 10 Kv elektrmen jabdyqtaý jelileri - 26 434 teńge;

- TP-10/0Kv jáne KL 6-10 Kv qurylysy - 24 267 667 teńge;

- Elektrlik montajdaý jumystary - 13 217 230 teńge;

- «Astana qalasynda 180 tósektik Ulttyq ǵylymı kardıohırýrgııalyq ortalyq» KeAQ jobalaý-smetalyq qujattamasy - 345 200 000 teńge;

- «Astana qalasynda bir aýysymda 500 adam qabyldaıtyn Respýblıkalyq dıagnostıkalyq ortalyq» AQ-nyń jobalaý-smetalyq qujattamasy - 134 200 000 teńge.

Úkimet qaýlysy 9 maýsymǵa deıin kópshilik talqylaýda bolady.

Pikirler