Densaulyq saqtau ministrlıgınıŋ menşıgındegı qūrylysy aiaqtalmaǧan nysandar Nazarbaev universitetınıŋ balansyna berıledı. Qauly Aşyq normativtık qūqyqtyq aktılerdıŋ internet-portalynda jariialandy, dep habarlaidy «Adyrna» tılşısı.
«Densaulyq saqtau ministrlıgınıŋ balansynan «Nazarbaev universitetı» derbes bılım beru ūiymynyŋ menşıgıne aiaqtalmaǧan qūrylysqa arnalǧan şyǧyndar türındegı respublikalyq mülık berılsın»,- delıngen Ükımet qaulysynyŋ jobasynda.Mülıktı oqu ornyna beru bastamasy ötken jyly anyqtalǧan ministrlıktıŋ esep auditındegı olqylyqtaryn joiu üşın ūsynylyp otyr. Endı «Nazarbaev universitetınıŋ» menşıgıne jalpy somasy 516 mln 911 myŋ 331 teŋge bolatyn qūrylysy aiaqtalmaǧan myna nysandar ötedı:
- 10 Kv elektrmen jabdyqtau jelılerı - 26 434 teŋge; - TP-10/0Kv jäne KL 6-10 Kv qūrylysy - 24 267 667 teŋge; - Elektrlık montajdau jūmystary - 13 217 230 teŋge; - «Astana qalasynda 180 tösektık Ūlttyq ǧylymi kardiohirurgiialyq ortalyq» KeAQ jobalau-smetalyq qūjattamasy - 345 200 000 teŋge; - «Astana qalasynda bır auysymda 500 adam qabyldaityn Respublikalyq diagnostikalyq ortalyq» AQ-nyŋ jobalau-smetalyq qūjattamasy - 134 200 000 teŋge.Ükımet qaulysy 9 mausymǧa deiın köpşılık talqylauda bolady.
Ūqsas jaŋalyqtar
