Nazarbaev Ýnıversıteti erekshe mártebesinen aıyryla ma? Bul suraqqa Úkimettegi brıfıng barysynda Ǵylym jáne joǵary bilim mınıstri Saıasat Nurbek jaýap berdi, dep habarlaıdy «Adyrna» ulttyq portaly.
Mınıstr atap ótkendeı, ýnıversıtettiń mártebesi jeke zańmen naqty bekitilgen, mınıstrlik ony joıýǵa nemese ózgertýge nıetti emes.
«Sonymen birge qazir ózderińiz biletindeı, zańǵa belgili bir ózgerister engizildi, premer-mınıstr basqarǵan Qamqorshylyq keńes pen Joǵary Qamqorshylyq keńes quryldy. Ýnıversıtettiń qarjylyq bóligin jaqsartý úshin de, ǵylymı-zertteý áleýetin kúsheıtý úshin de belgili sharalar qabyldanatyn bolady. Sondyqtan túzetý sharalary mindetti túrde bolady. Biraq, jalpy, biz bul oqý ornynyń mártebesi men baǵytyn ózgertpeımiz», – deıdi Saıasat Nurbek.
Esterińizge sala keteıik, shilde aıynda Tuńǵysh Prezıdent Nursultan Nazarbaev derbes bilim berý uıymdarynyń Joǵary qamqorshylyq keńesiniń basshysy mártebesinen aıyryldy. Al jaqynda qazaqstandyqtar Nazarbaev Ýnıversıtetin qarjylandyrýǵa yqpal ete alatyny belgili boldy.
«Adyrna» ulttyq portaly
