Nazarbaev universitetınıŋ Adina esımdı studentı universitet qabyrǧasynda qyzdar zorlyqqa ūşyraitynyn aityp, äleumettık jelıge ündeu jariialady. Alaida būl turaly eşkımge aita almaidy. Student özıne de azǧyndyq jasamaq bolǧanyn, mūndai äreketke baratyndar arasynda professorlar men oqytuşylardyŋ da boluy mümkın mälımdedı. Būl turaly ol TikTok jelısıne jariialady, dep habarlaidy “Adyrna” ūlttyq portaly.
Studenttıŋ aituynşa, universitette qūrbysyn zorlaǧan er adam ekınşı qūrbysyn da jynystyq qatynasqa tüsuge köndırmek bolypty.
"Zorlaǧan adamdy universitette köpşılıgı tanidy. Tıptı bır klubtyŋ prezidentı de bolǧan. Al ekınşı qūrbyma bır körgende jaǧymdy er adam alymsaqtyq jasaǧan. Taǧy bır jaǧdaida men ekı qyzben jasyryn türde jūmys ıstedım. Ol ekeuın bır adam zorlaǧan, al üşınşısı onyŋ qūrbany bola jazdady", – dedı ol.
Onyŋ sözınşe, qyzdardy zorlau deregıne eşkımnıŋ sengısı kelmeidı. Sebebı zorlyq körsetkender öz ortasynda tanymal ärı bır körgende momyn bolyp körınedı deidı.
"Zorlanǧan qyzdardyŋ bırı eşkımge aitpastan universitetten ketıp qaldy. Öitkenı eşteŋe aita almady, aitsa barlyǧy özın kınälaityn edı, dostary aralspai ketedı. Solai boldy da. Özın zorlaǧan adamnyŋ kesırınen oqudan kettı, universitette eşkımmen aralaspaidy. Özge qyzdar mūny psihologiialyq tūrǧydan kötere almady. Bälkım oqyp jürgen şyǧar, bälkım ketıp qalǧan şyǧar", – dep qosty student.
Student mūndai jaǧdai özınıŋ de basynan ötkenın mälımdedı.
"Maǧan jäne 16 jastaǧy qyzǧa zerthanada jūmys ısteitın staff azǧyndyq jasamaq boldy. Professor da, özge qyzmetker de mūndai äreketke bara alady", – deidı qyz.
Videoǧa qatysty pıkır bıldırgen polisiia departamentı tekserıs jüretının mälımdedı. Qazır ıs Nūr-Sūltandaǧy Esıl audanynyŋ polisiia basqarmasynda tırkelgen, qyzmetkerler tekserıs jürgızıp jatyr.
“Adyrna” ūlttyq portaly
