Prezıdent Qasym-Jomart Toqaev Reseıdiń Federaldyq Jınalysy Federaııa Keńesiniń tóraǵasy Valentına Matvıenkomen kezdesti, dep habarlaıdy "Adyrna" ulttyq portaly.
Prezıdent saıasatkerdiń sapary Qazaqstan men Reseıdiń kópjosparly strategııalyq seriktestigin barlyq baǵytta odan ári arttyrý úshin mańyzdy ekenin aıtty. Kezdesýde saýda-ekonomıkalyq jáne mádenı-gýmanıtarlyq yntymaqtastyqtyń ózekti máseleleri keńinen talqylandy.
«Memleketterimiz arasyndaǵy qarym-qatynas qarqyndy damyp keledi. Jaqynda bizdiń elimizge Vladımır Vladımırovıch Pýtın memlekettik sapar jasady. Bul strategııalyq seriktestikti, eki el arasyndaǵy odaqtastyqty damytýǵa tyń serpin berdi. Men ekijaqty yqpaldastyqtyń bolashaǵy zor dep oılaımyn», – dedi prezıdent.
Reseılik saıasatker Valentına Matvıenko Qazaqstanǵa parlamenttik úlken delegaııany bastap kelgenin aıtty. Ol Reseı Prezıdentiniń sálemin jetkizip, Vladımır Pýtın Astanaǵa jasaǵan saparynyń qorytyndysyn joǵary baǵalaǵanyn da málimdedi
«Reseı Prezıdentiniń Qazaqstanǵa sapary óte tabysty ári nátıjeli boldy. Eń bastysy, ózara tıimdi jáne qurmetke negizdelgen bizdiń yntymaqtastyǵymyzdyń qarqyny artyp keledi. Qazaqstan men Reseı prezıdentteriniń birlesken kúsh-jigeriniń arqasynda ekijaqty qarym-qatynas buryn-sońdy bolmaǵan deńgeıge jetti. Taýar aınalymy, ınvestıııa, óndiristegi iri jobalar, energetıka, aýyl sharýashylyǵy sekildi qaı salany alyp qarasaq ta, eki el arasyndaǵy berik strategııalyq seriktestik pen odaqtastyqtyń naǵyz úlgisin kóremiz», – dedi Valentına Matvıenko.
