Memleket basşysy Doha forumyna şaqyrǧany üşın şeih Tämim ben Hamad Äl Tänige alǧys aityp, jiynda älemdegı özektı problemalar boiynşa aşyq pıkır almasuǧa mümkındık beretın bıregei dialog alaŋy ekenın atap öttı, dep habarlaidy "Adyrna" ūlttyq portaly Aqordanyŋ baspasöz qyzmetıne sıltep.
Qasym-Jomart Toqaev Qatar Ämırınıŋ strategiialyq serıktestık deŋgeiıne köterılgen ekıjaqty qarym-qatynasty nyǧaituǧa qosqan ülesın joǧary baǧalaitynyn jetkızdı.
Äŋgımelesu barysynda bank, telekommunikasiia, energetika, auyl şaruaşylyǧy jäne medisina salalaryndaǧy investisiialyq jobalarǧa qatysty kelısımderdı uaqytyly ärı sapaly jüzege asyru mäselesıne erekşe män berıldı. Qazaqstan Prezidentı Qatar biznesımen bırlesken jobalar ekı eldıŋ damuyna septıgın tigızetınıne senımdı ekenın atap öttı.
Qasym-Jomart Toqaev pen şeih Tämim ben Hamad Äl Täni joǧary deŋgeidegı belsendı saiasi dialog qazaq-qatar qatynastaryn nyǧaituǧa aldaǧy uaqytta da yqpal etetınıne nazar audardy.
Ūqsas jaŋalyqtar
