Qazaqstan 2025 jyly ekonomika men äleumettık salada auqymdy nätijelerge qol jetkızdı. El aumaǧynda jüzdegen jaŋa öndırıs oryndary ıske qosylyp, tūrǧyn üi qūrylysy qarqyn aldy. Sonymen qatar jaŋa mektepter men auruhanalar paidalanuǧa berıldı. Būl turaly Prezidenttıŋ kömekşısı Ruslan Jeldıbai mälımdedı, dep habarlaidy "Adyrna" tılşısı.
Memleket basşysy Qasym-Jomart Toqaev jyl boiy jūmys saparlarymen elımızdıŋ 9 öŋırıne baryp, 50-den astam öndırıstık, ǧylymi jäne äleumettık-mädeni nysandardyŋ qyzmetımen tanysty.
Aldyn ala boljam boiynşa, 2025 jyldyŋ qorytyndysynda Qazaqstan ekonomikasynyŋ ösımı 6 paiyzdan asady. Būl – soŋǧy on jyldaǧy eŋ joǧary körsetkış. Sondai-aq el tarihynda alǧaş ret jalpy ışkı önım kölemı 300 mlrd AQŞ dollarynan asyp, jan basyna şaqqandaǧy JIÖ 15 myŋ AQŞ dollaryna jetedı dep kütılude.
Jyl ışınde Prezident halyqaralyq deŋgeide de belsendı jūmys jürgızdı. Qasym-Jomart Toqaev 23 memleketke resmi sapar jasap, Resei men Özbekstanda ekı retten boldy. Sondai-aq Qytai, Türkiia, Japoniia, İordaniia, Qyrǧyzstan, AQŞ, Türıkmenstan, Bırıkken Arab Ämırlıkterı, Äzerbaijan jäne Täjıkstan elderıne bardy.
