Reseı prezıdenti Pýtınniń Astanaǵa sapary kezinde áýejaı men jınalys zalyndaǵy aspan tústes kilem men kilem shetindegi oıý-órnekter maǵan qazaqtyń qasıetti týyn eske túsirdi.
Tý ár memleket úshin kıeli. Ony aıaǵymyzdyń astyna emes, basymyzdyń ústinde kóterip alyp júrýimiz kerek.
Árıne, bul kilemniń túsi men órnekti jasaǵan dızaınyrlar týǵa uqsas bolsyn dep oılamaǵan shyǵar. Olar múmkin shetten kelgen qadyrly meımandardy qazaqtyń ulttyq boıaýy jáne naqyshymen qarsy alǵanymyz durys degen shyǵar.
Alaıda ol syrt kózge qazaqtyń jalaýy retinde kórinýi múmkin. Onda qadyrly meımandar, “qazaq degen qalaı halyq? Olardyń uǵymynda qurmetteý múmkin osylaı bolatyn shyǵar dep” qate oılaýy múmkin.
Mundaı jańsaq oılarǵa sebep bolýdan aýlaq bolý kerek shyǵar. Halyqaralyq standart boıynsha, kóp elderde mundaı saltanatty oryndardaǵy kilemder qyzyl tústi bolady.
Biz de muny halyqaralyq úrdiske saı jasasaq, nemese kók tústi kilem qoldanǵannyń ózinde týǵa uqsap ketpes úshin shetindegi oıý-órnekterdi alyp tastasaq, sóıtip kıeli týymyzdyń nyshandary aıaq astyndaǵy kilemge kestelengen degen túsinikten arylar edik.
Osylaısha ulttyq týdyń bedeline nuqsan keltiretin oqys oqıǵalardyń aldyn alǵan bolar edik.
Ábdiýaqap Qara
