Käsıpker, «Altyn Qyran Foundation» qaiyrymdylyq qorynyŋ prezidentı, mesenat İslambek Saljanov Ūlttyq sport qauymdastyǧy prezidentı boldy. Būl turaly İslambek Saljanov äleumettık jelıdegı paraqşasynda jariialady, dep habarlaidy “Adyrna” ūlttyq portaly.
«Mädeniet jäne sport ministrı Däuren Abaevtyŋ qatysuymen Ūlttyq sport qauymdastyǧy qūryltaişylarynyŋ jalpy jinalysy öttı. Qauymdastyqtyŋ soŋǧy üş jarym jyldaǧy jūmysy jaily esep berılıp, jaŋa jarǧysy qabyldandy. Dauys beru nätijesınde qabyldanǧan taǧy bır şeşım – Ūlttyq sport qauymdastyǧy prezidentın qaita sailau», - dep jazdy Saljanov.Sondai-aq, qauymdastyq prezidentı qyzmetıne ūsynǧany üşın qūryltaişylarǧa alǧys bıldırdı.
Qauymdastyq prezidentı qyzmetıne menı ūsynyp, senım artqandary üşın qūryltaişylarǧa rizaşylyq bıldıremın. Būl – qoǧamdyq negızdegı, artar jügı mol, jauapkerşılıgı zor jūmys, – dep jazdy İslambek Saljanov.Odan bölek, Baqdäulet Säbitov pen Rauan Kenjehanūly qauymdastyq prezidentınıŋ orynbasary bolyp sailandy.
«Ūlttyq sport – halyqtyŋ ruhyn köterıp, barşaǧa ortaq qūndylyqtardy qalyptastyratyn, otanşyl jäne memleketşıl sana-sezımdı küşeituge yqpal etetın maŋyzdy sala. Onyŋ statusy – memlekettıŋ abyroiy. Bız ūlttyq sportty damytuǧa köŋıl bölu arqyly eldık ruh pen bırlıktı küşeitemız. Memlekettıŋ halyqaralyq bedelın köteremız», - dedı İslambek Saljanov.Aitunyşa, ūlttyq sport standarttaryn bekıtu jäne jaŋa format engızu josparlanyp otyr.
«Ūlttyq at sportyn modernizasiialau maqsatynda «Ūly Dala Joryǧy» marafon-bäigesıne jan-jaqty qoldau körsetemız. Bolaşaqta ūlttyq sport jarystaryna tıkelei transliasiia jasaudy jolǧa qoiu qajet. Odan bölek, sporttyq infraqūrylymdar salu, otandyq trenerler men sudialardy daiyndau, balalar sportyn damytu siiaqty köptegen mäseleler bar», - deidı ol.
”Adyrna” ūlttyq portaly
Ūqsas jaŋalyqtar
