Kásipker, «Altyn Qyran Foundation» qaıyrymdylyq qorynyń prezıdenti, meenat Islambek Saljanov Ulttyq sport qaýymdastyǵy prezıdenti boldy. Bul týraly Islambek Saljanov áleýmettik jelidegi paraqshasynda jarııalady, dep habarlaıdy “Adyrna” ulttyq portaly.
«Mádenıet jáne sport mınıstri Dáýren Abaevtyń qatysýymen Ulttyq sport qaýymdastyǵy quryltaıshylarynyń jalpy jınalysy ótti. Qaýymdastyqtyń sońǵy úsh jarym jyldaǵy jumysy jaıly esep berilip, jańa jarǵysy qabyldandy. Daýys berý nátıjesinde qabyldanǵan taǵy bir sheshim – Ulttyq sport qaýymdastyǵy prezıdentin qaıta saılaý», - dep jazdy Saljanov.
Sondaı-aq, qaýymdastyq prezıdenti qyzmetine usynǵany úshin quryltaıshylarǵa alǵys bildirdi.
Qaýymdastyq prezıdenti qyzmetine meni usynyp, senim artqandary úshin quryltaıshylarǵa rızashylyq bildiremin. Bul – qoǵamdyq negizdegi, artar júgi mol, jaýapkershiligi zor jumys, – dep jazdy Islambek Saljanov.
Odan bólek, Baqdáýlet Sábıtov pen Raýan Kenjehanuly qaýymdastyq prezıdentiniń orynbasary bolyp saılandy.
«Ulttyq sport – halyqtyń rýhyn kóterip, barshaǵa ortaq qundylyqtardy qalyptastyratyn, otanshyl jáne memleketshil sana-sezimdi kúsheıtýge yqpal etetin mańyzdy sala. Onyń statýsy – memlekettiń abyroıy. Biz ulttyq sportty damytýǵa kóńil bólý arqyly eldik rýh pen birlikti kúsheıtemiz. Memlekettiń halyqaralyq bedelin kóteremiz», - dedi Islambek Saljanov.
Aıtýnysha, ulttyq sport standarttaryn bekitý jáne jańa format engizý josparlanyp otyr.
«Ulttyq at sportyn modernızaııalaý maqsatynda «Uly Dala Joryǵy» marafon-báıgesine jan-jaqty qoldaý kórsetemiz. Bolashaqta ulttyq sport jarystaryna tikeleı translıaııa jasaýdy jolǵa qoıý qajet. Odan bólek, sporttyq ınfraqurylymdar salý, otandyq trenerler men sýdıalardy daıyndaý, balalar sportyn damytý sııaqty kóptegen máseleler bar», - deıdi ol.
”Adyrna” ulttyq portaly
