Premer-mınıstrdiń birinshi orynbasary Roman Sklıar Semeıdegi alapat órtten zardap shekken kásipkerlerdiń shyǵyny qandaı jaǵdaıda óteletinin túsindirdi. Ol Úkimettiń keńeıtilgen otyrysynan keıin jýrnalısterdiń suraǵyna jaýap berli, dep habarlaıdy “Adyrna” ulttyq portaly.
Premer-mınıstrdiń orynbasary Tamara Dúısenova oqıǵa ornynda arnaıy komıssııa jumys istep jatqanyn atap ótti.
«Birinshiden, olar órttiń sebebin anyqtap jatyr. Ekinshiden, oblys ákimdiginiń maǵan bergen málimetine sáıkes, (oqıǵa ornynda) bazar ıesi jumys isteýde. Qazir órttiń sebebi men (bazardaǵy) árbir adamǵa kelgen zalaldyń kólemin anyqtaý kerek. Komıssııa sheshiminen keıin ǵana (kómek berý máselesi) qaralady», - dedi vıe-premer.
BAQ ókili «Úkimet rezervinen zardap shekken kásipkerlerge qarjy bóline me?» dep suraǵyn naqtylady.
Al Roman Sklıar Semeıdegi órtten zardap shekken kásipkerler kómeksiz qalmaıtynyn aıtty.
«Zań tarapynan (ondaı kómek) qarastyrylmaǵan. Qazir órt áli sóndirilmedi. Tamara Qasymqyzy shyǵyn eseptelip jatqanyn aıtty. Sodan keıin arnaıy komıssııa tıisti sheshimdi qabyldaıdy. Bazar ıesi de kómektesýi kerek. Adamdardy mundaı qıyn jaǵdaıda (kómeksiz) qaldyrmaımyz. Muny sizge naqty aıtamyn», - dedi Roman Sklıar.
Eske salaıyq, buǵan deıin Semeıdegi iri bazarlardyń birinen órt shyqqany týraly habarladyq.
