Masqara, telearnadan ózi bloger, ózi qurylysshy, ózi koých, ózi aqyn, ózi psıholog, ózi sazger, ózi tamada ári taksıst adam sóılep otyr… Oılap qoıam, bir adamǵa osynshama kásip hám mamandyq az emes pe dep…
Sosyn 2005 jyl ma edi, 2007 jyl ma edi, bilmedim, redakııamyzǵa úlken memorgannan Darıǵa apamyzdyń ómirbaıany jazylǵan press-relız kelgeni esime tústi. Jańaǵy aq qaǵazdyń bir beti tek kásipter men ǵylymı dárejelerge tolǵan ǵoı… Sol jyldary bılikten bastalǵan bizshe aıtqanda, “8 qyrly, 1 syrly”, eýropasha aıtqanda, “Fıgaro anda, fıgaro mynda” indeti qara halyqqa da juqqan sııaqty.
Oılap qoıam, olardan meniń nem kem?
Máselen, men turmysqa shyqqan 14 jyl ishinde otbasylyq psıholog bop kettim. Apalarym “jezdeń jumys istemeı júr” dese, “qartaıǵan shyǵar” deısiń ǵoı, jezdeń “samooenkasyn” kóterý úshin ertesine eski kóligimen taksıletip ketedi ǵoı. Balaly bolǵan 13 jyl ishinde pedıatr dáriger bop aldym. Tipti, bir jasar balam aýyrsa, murnyndaǵy mańqasyn aspıratormen bir tamshy qalmaıtyndaı etip tazalap tastaımyn ǵoı. Nege men lormyn demeımin? Keıde balabaqshadan jattaýǵa dep, shatpaq óleńder keledi. “Mynaý da óleń bop pa?” dep óleńdi redakııalap, durystaý nusqasyn jattatqyzyp jiberemiz ǵoı. Biz nege aqyndyǵymyzdy aıtpaımyz?
Redakııaǵa memorgandardan talaı qate press-relız keldi, solardy durystap, fakt-chek jasap, qatesin túzep, gazetke beretinbiz. Al bizdiń korrektorlyq hám fakt-chek qyzmetimizge nege aqy tólenbegen? Aǵylshynsha, oryssha alǵan suhbattardy qazaqshalaıtyn edik, biz nege aýdarmashymyz demeımiz? Jastaý kezimizde ıtimiz aýyrsa, “buǵan sýyq tıdi-aý” dep ýaıymdap, ıtke jyly sorpa, sútpen shaı berip bir kúnde jazyp jiberýshi edik qoı. Sútpen shaı zııan deıtinderge duǵaı sálem! Itimiz baqytty da uzaq ómir súrdi. Biz nege veterınar ekenimizdi aıtpaımyz? Bireýmen suhbattasýǵa barsaq, “siz jaıly adam ekensiz, ishki syrymyzdy búkpeı aıtamyz ǵoı” dep suhbat berýshi de bar shyndyǵyn jaıyp salady ǵoı, ony sary basylymdardaı esh jerde jarııalamaı, qaıta jaqsy sózben qoldasań, bir kúni jańaǵy adamnyń seniń ıdeıańmen bir jobany júzege asyrǵanyn estiseń, ıoý, men koých ekenmin ǵoı demeımiz, á?!
Baıaǵyda bireýge “bıtkoınǵa nemquraıly qaramańdar, ol da ósýi múmkin” degem, men qarjy analıtıgi emespin be osy?
Daýsym bolsa, toıǵa da án aıtyp shyǵar edim… Biraq qazir kimde daýys bar?! Mende tym bolmasa túr bar ǵoı… Áıtpese toıda túri de, daýysy da joqtar dúrildep júr ǵoı… Endi bir avtorlyq án shyǵaryp, sazgerligimdi kórsetsem be eken…
Qazir Qazaqstanda KVN-shylar men tamadalar, ánshiler men blogerler murnyn suqpaǵan mamandyq qalmady ǵoı. Múmkin ár nársege shashylmaı, árkim óz isimen aınalyssa, damyp keter me ekenbiz?
Italııada Fıgaro jalǵyz bolǵan, al bizdiń elde Fıgarolar tym kóp emes pe?
Tipti, zań shyǵarýshy organ - Parlamentte otyrǵandary bar ǵoı… Ideologııa quraly kınodan kóbirek aqsha tabýǵa tyrysyp jatqandary qanshama? Qashan elimizde on kásiptiń emes, bir kásiptiń mamany baǵalanady eken osy? Keıde bir adammen tanysqanda, jaı jýrnalıstpin deýge uıalady ekensiń…
Bolmasa “Buhar jyraýmen dastarhandas bolǵan, Qajymuqanmen beldesken” deıtindeı, ataq-dáreje bizde de bar. Tek uıalady ekensiń, tanysyp turyp “Túrkııa prezıdenti Abdolla Gúldiń qolynan shaı ishkem, Masanovpen til tóńireginde salǵylasqam, Tasmaǵambetovke ákim tusynda aıtyp-aıtyp tastaǵam” deýge…
Kamshat Tasbolat
