QMA erıktıler qozǧalysynyŋ belsendısı Perizat Qairatqa qatysty taǧy bır derektı jariialaǧanyn mälımdedı, dep habarlaidy "Adyrna" ūlttyq portaly.
QMA habarlamasynda:
Būl epizod boiynşa QMA Perizat Qairattyŋ 200 mln teŋgeden asa qarajatty jymqyrdy degen küdıkke ılıngenın habarlady. Tergeu jalǧasuda.«2023 jyldyŋ qaraşa aiynda Perizat Qairat Palestina tūrǧyndaryna gumanitarlyq kömek körsetu üşın qarajat jinaudy ūiymdastyrdy. 2023 jylǧy jeltoqsanda osy aqşa esebınen Perizat Qairat «Sensata Plaza» elitalyq keşenınen 49 mln teŋgege üş bölmelı päter jäne 30 mln teŋgege «Mercedes-Benz EQE 500 4 Matic» jaŋa avtokölıgın satyp aldy. Sonymen qatar, qarajattyŋ bır bölıgı BAÄ-de «Rolex», «Prada» jäne «Fendi» brendtık butikterınen zergerlık būiymdardy, saǧattar men kiımderdı satyp aluǧa jūmsaldy», — delıngen agenttıktıŋ mälımdemesınde.
Aita keteiık, Qazaqstannyŋ para üstel tennisı federasiiasy Perizat Qairattyŋ ūstaluyna jäne oǧan qatysty tergeudıŋ bastaluyna bailanysty ūiym prezidentı qyzmetınen bosatylǧan bolatyn.«Eger sız Perizat Qairattyŋ alaiaqtyq äreketterınıŋ qūrbany bolsaŋyz, Astana qalasy Beibıtşılık köşesı, 10 meken-jaiy boiynşa nemese +7 (7172) 70-84-78 telefon nömırı boiynşa Qarjylyq monitoring agenttıgıne habarlasuyŋyzdy sūraimyz», — dep jazdy vedomstvodan.
Ūqsas jaŋalyqtar
