Biz Birgemiz qoǧamdyq qaiyrymdylyq qorynyŋ teŋ qūryltaişysy jäne basşysy Perizat Qairattyŋ anasy Ǧaini Alaşbaeva da qyzymen bırge küdıkke ılındı, dep habarlaidy "Adyrna" ūlttyq portaly Ūlysmediaǧa sılteme jasap.
Būl turaly aqparatty jurnalist Mihail Kozachkov taratty.
Tergeu organdarynyŋ mälımetınşe, anasy qyzyna qaiyrymdylyq qory arqyly jinalǧan aqşany qolma-qol aqşaǧa ainaldyruǧa kömektesken.
Būǧan deiın «Kursiv» basylymy Perizattyŋ äleumettık jelılerde arab elderıne et jetkızetın kompaniiasy bar ekenın jazǧanyn habarlaǧan. Alaida, tergeu derekterıne säikes, anasynyŋ atynda etke bailanysty kompaniia tırkelmegen.
Ūlysmedia agenttıgı būl aqparat boiynşa Qarjy monitoringıne joldaǧan saualdaryna «bız būl aqparatty resmi türde bergen joqpyz» degen jauap alǧanyn mälımdedı.
Eske sala keteiık, su tasqyny kezınde halyqty kömekke şaqyryp, qarjy jinaǧan Perizat Qairat "qarjy jymqyrdy" degen küdıkke ılıngen edı. Qarjylyq monitoring agentıgı Perizat Qairatty 1,5 milliard teŋge ūrlaǧan boluy mümkın ekenın habarlaǧan bolatyn.
16 qaraşa künı Astana qalasynyŋ tergeu sotynyŋ baspasöz qyzmetı Perizat Qairattyŋ ekı aiǧa qamauǧa alynǧanyn mälımdedı. Keiınnen Qarjylyq monitoring agenttıgı Perizat Qairatqa qatysty tergeu barysynda tärkılengen dünie-mülık turaly aqparattardy jariia ettı.
Ūqsas jaŋalyqtar
