Jaŋaözendegı "Özenmūnaigazǧa" qarasty "Būrǧylau jūmystary basqarmasy" kompaniiasynyŋ jūmysşylary üşınşı kün qatarynan ereuılge şyqty, dep habarlaidy "Adyrna" ūlttyq portaly Ūlysmediaǧa sıltep.
Tılşımen söilesken qyzmetkerlerdıŋ bırı “talabymyz oryndalmaiynşa, jūmysty jalǧastyrmaimyz” degen.
"Būrǧylau jūmystary basqarmasy" kompaniiasynda operator bolyp ısteitın Mūratbai Jūmaǧaliev būl jolǧy ereuıldegı talaptar jaŋa talaptar emes, osyǧan deiın qoiylǧan, basşylyq tarapynan şeşu uäde etılgen talaptar ekenın aitady.Mūratbai esımdı jūmysşynyŋ sözınşe, būǧan deiın QazMūnaiGazdyŋ basşylary qaraşaǧa deiın talaptaryn bırjaqty etetının mälımdegen.
“Olardan habar bolmaǧan soŋ, osylai jūmysty toqtatyp, ereuıldetıp jatyrmyz”, - dedı Mūratbai.Kompaniia jūmysşysynyŋ aituynşa, käsıporynda 1250-dei adam jūmys ısteidı. Bügınde bärı jūmysty toqtatqan. Talap-tılekter oryndalmai, qyzmetkerler jūmysqa kırıspeitının aitqan. Olarǧa aldymen “Özenmūnaigaz” AQ-nyŋ bas direktory Janbolat Saimaǧanbetov kelıp, qoiylyp otyrǧan talaptardy oryndai almaitynyn aitqan. Iаǧni, ony şeşu “joǧary jaq” – “QazMūnaiGaz”-dyŋ enşısınde ekenın aitqan. Jūmysşylar “şeşe almasaŋ, joǧary jaqty şaqyr onda” delıngen. Kompaniia qyzmetkerı Mūratbai Jūmaǧaliev “ereuıldetenımızdı aldyn ala eskertkenbız” deidı.
“Bızde būryn 7 talap bolǧan, ekeuın oryndau qiyn degen soŋ 5-ke tüsırdık. QazMūnaiGazdan aldymyzǧa kelsın, söilesemız, kelısemız. Aspandaǧy aidy sūrap jatsyŋdar, mynau mümkın emes dese halyq ta tüsınedı ǧoi. Şabarmandaryn, prokuraturany jıbermei bızge özderı kelsın. Jaǧdaiǧa qarai söilesemız. Kelmeiınşe, jūmysty jalǧastyrmaimyz, osylai talap etıp tūra beremız”, - deidı ol.«Özenmūnaigaz» ökılderı “qazırgı uaqytta basşylyq käsıporyn jūmysşylarymen kelıssöz jürgızıp jatyr” dep jauap berdı.
“Olar qoiǧan är talap mūqiiat qarastyrylady. Barlyq mäsele zaŋ aiasynda, atap aitqanda QR Eŋbek Kodeksınıŋ şeŋberınde şeşıluge tiıs” delıngen kompaniia jauabynda."Būrǧylau jūmystary basqarmasy" komnaiiasynyŋ jūmysşylary basşylyqqa bes türlı talap qoiǧany turaly aitylǧan bolatyn.
Ūqsas jaŋalyqtar
