Reseı Qorǵanys Mınıstrligi Ortalyq Áskerı Okýrginiń baspasóz qyzmeti Sáýirdiń ekinshi kúni iri kólemdi áskerı jattyǵýlardyń aldaǵy ýaqytta odan ary jalǵasa beretinin aıtqanyn bilesizder.
Ortalyq Áskerı Okýrg qolbasshysy general-polkovnık Aleksandar Lapın, Ortalyq Azııa aımaǵyndaǵy 2-shi jáne 41-shi birikken joıqyn qarýly kúshterdiń qatysýymen de iri kólemdi áskerı jattyǵýlar ótkizetinin habarlaǵan edi.
Qazaq, Qyrǵyz jáne Tájik terrıtorııasyndaǵy áskerı nysandardy da qamtıtyn Ortalyq Áskerı Okýrgtiń aldaǵy iri kólemdi áskerı jattyǵýy Ortalyq Azııaǵa kózalartyp otyrǵan tóńirektegi aımaqtyq kúshter men derjavalardyń nazaryn aýdaratyny anyq.
Osyndaı tusta bizge súıegi álde-qashan shirip ketken KENESARY HAN úshin qýanyp otyra berýdiń paıdasy qansha? Sáýir boıy osy "qýanyshtyń" býymen máz-maıram beıǵam otyrǵanda Reseıdiń bizdegi áskerı nysandary keleli strategııalyq is-qımylyn júzege asyryp jibermeýine kim kepil? Strategııalyq nysandar iske asqan soń myń Kenesary kelse de paıdasy joq. Bizge Kenesary Hannyń bas súıegine qurdan-qur qýanyp otyra berýdiń keregi joq, bizge KENESARYLYQ SOǴYS TAKTIKASYN JAŃǴYRTÝ kóbirek mańyzdy.
Bylaısha aıtqanda bizdiń ultqa tán shekten tys beıǵamdyq pen masaıraý ózge jurttyń paıdasyna sheshilip júrmese ıgi edi. Han Keneniń oralýyna da qýana otyraıyq biraq beıǵam bolmaıyq! Áskerı taktıkamyz ben qorǵanys saqtyǵymyzdy da eskere otyraıyq.
Eldes ORDA
