Prezident Qasym-Jomart Toqaev qazaqstandyqtardy Otan qorǧauşy künımen qūttyqtady, dep habarlaidy "Adyrna" ūlttyq portaly.
Memleket basşysy el beibıtşılıgın saqtap, qauıpsızdıktı qorǧaǧan Otan qorǧauşylardy merekemen qūttyqtap, sap tüzegen azamattarǧa zor densaulyq tıledı.
"Qadırlı otandastar!
Sızderdı Otan qorǧauşy künımen qūttyqtaimyn! Elımızdegı beibıtşılık pen tynyştyqty saqtap, qasterlı qūndylyqtardy ornyqtyra tüsu üşın būl merekenıŋ maŋyzy zor.
Äskeri boryşty öteu Otanǧa degen şynaiy süiıspenşılıktıŋ jarqyn körınısı ekenı anyq. Halyqqa qaltqysyz qyzmet etu – ärbır adal azamattyŋ perzenttık paryzy.
Qazaqstan ūlttyq müddenı qorǧauǧa, aumaqtyq tūtastyqty saqtauǧa jäne tūraqtylyqty qamtamasyz etuge basa män beredı. Aibyndy armiiamyz egemendıgımızdıŋ kepılı, memlekettılıgımızdıŋ myzǧymas tıregı sanalady.
Bız äskerımızdıŋ äleuetın oqu-jattyǧu jiyndarynda ǧana emes, naqty mındetterdı jüzege asyru barysynda da körıp jürmız.
Alapat tasqyn el-jūrtqa qauıp töndırgende, sarbazdarymyz aldyŋǧy şepten tabyldy. Olar özderıne jüktelgen mındettı mınsız atqaryp, otanşyldyqtyŋ ozyq ülgısın körsettı.
Elımızdıŋ qorǧanys qabıletın küşeitu jäne äskeri qyzmetkerlerdı qoldau qaşanda memlekettık saiasattyŋ basym baǧyty bolyp qala beredı.
Qaruly Küşterımızdıŋ mereiı üstem bolsyn!
Barşaŋyzǧa zor densaulyq, baq-bereke tıleimın!" - dedı Prezident öz qūttyqtauynda.
1992 jyly Prezident Jarlyǧymen Memlekettık qorǧanys komitetı Qazaqstan Respublikasynyŋ Qorǧanys ministrlıgı bolyp qaita qūryldy. Qazaqstannyŋ tūŋǧyş qorǧanys ministrı bolyp general-polkovnik Saǧadat Nūrmaǧambetov taǧaiyndaldy.
1992 jyly QR Tūŋǧyş Prezidentı N.Ä.Nazarbaevtyŋ Jarlyǧymen Qazaqstan Respublikasynyŋ Qaruly Küşterı qūryldy.Ūqsas jaŋalyqtar
