Memleket basşysy Qasym-Jomart Toqaev Qazaqstandaǧy auqymdy su tasqynyna bailanysty Qazaqstan halqyna ündeu joldady, dep habarlaidy "Adyrna" ūltty portaly.
Memleket basşysy atalmyş apattyŋ ūzaq uaqyttan berı bolmaǧanyn atap öttı:
"Bügın men elımızdıŋ azamattaryna arnaiy ündeuımdı joldap otyrmyn. Barşaŋyzǧa belgılı, qazır elımızde kürdelı jaǧdai qalyptasyp otyr. Qardyŋ kürt eruıne bailanysty aimaqtarda su tasqyny bolyp jatyr. Būl – tabiǧi apat. Mūndai ahual ūzaq jyldan berı bolmaǧan. Būl kölemı jaǧynan soŋǧy 80 jyldan bergı eŋ ırı tabiǧi apat deuge bolady. Su tasqynyna bailanysty elımızdıŋ on aimaǧynda tötenşe jaǧdai jariialandy, iaǧni Abai, Aqmola, Aqtöbe, Atyrau, Batys Qazaqstan, Qaraǧandy, Qostanai, Pavlodar, Soltüstık Qazaqstan jäne Ūlytau oblystarynda. Atqaruşy organdar jıbergen olqylyqtardy tüzeu üşın men şūǧyl türde naqty tapsyrmalardy berdım. Qazır barlyq qajettı şaralar qabyldanyp jatyr. Ükımet qarǧyn sudyŋ saldaryn joiuǧa bar küşın saluda" dedı prezident.
Barlyq qūtqaru jūmystary tıkelei baqylauynda ekenın qosty:
"Premer-Ministrdıŋ basşylyǧymen Respublikalyq ştab qūryldy. Premer-Ministrdıŋ özı, onyŋ orynbasarlary jäne Tötenşe jaǧdailar ministrı apat bolǧan aimaqtardy aralap jür. Barlyq qūtqaru jūmystary menıŋ tıkelei baqylauymda. Su tasqynymen küresuge Tötenşe jaǧdailar ministrlıgınıŋ barlyq resursy tartyldy. Sondai-aq qūtqaru jūmystaryna Işkı ıster ministrlıgı, Ūlttyq ūlan, Qaruly Küşter jäne Ūlttyq qauıpsızdık komitetınıŋ mamandary belsene atsalysyp jatyr. Zardap şekken aimaqtardyŋ äkımdıkterı kündız-tünı jūmys ısteude. Ondaǧan myŋ volonter de kömektesıp jür. Jaǧdai öte kürdelı bolsa da, bız qiyndyqty mındettı türde eŋseremız, barlyǧyn qalpyna keltıremız. Eŋ bastysy – azamattardyŋ amandyǧy. Tasqyn sudan zardap şekken azamattarǧa aitarym, memleket bırde-bır adamdy eskerusız qaldyrmaidy. Barşaŋyzǧa qarjylyq jäne basqa da kömek berıledı. Materialdyq şyǧyndar tolyq öteledı. Bız alapat su tasqynynan tiıstı qorytyndy şyǧaruymyz kerek. Iаǧni, jıberılgen olqylyqtardy tüzetıp, tiıstı sabaq aluymyz qajet. Al ondai sabaqtar az emes" dedı Toqaev.
"Apattardyŋ aldyn alu jūmysyndaǧy kemşılıkten bastap, su şaruaşylyǧy mamandarynyŋ tapşy boluy, tabiǧatqa nemqūraily qarauǧa deiın köp mäselenı retteu qajet. Ükımet jäne jergılıktı atqaruşy organdar su tasqynymen kürestı tiımdı üilestırıp otyruǧa tiıs. Su basqan aumaqtarda qūqyqtyq tärtıptı qamtamasyz etu qajet. Menıŋ būiryǧymmen apatqa qarsy küreske Qorǧanys ministrlıgı qosymşa äskeri küşterın joldaidy. Halyqqa kömektesu üşın Ükımetke memlekettık materialdyq rezervtı paidalanudy tapsyramyn. Sondai-aq Ükımet şyǧyndardy öteudıŋ tiımdı joldaryn şūǧyl qarastyruǧa tiıs. Ony zardap şekken azamattarǧa jan-jaqty tüsındıru kerek. Berıletın ötemaqy şyǧyndy tolyq jabuy qajet. Jaǧdaiy neǧūrlym kürdelı aimaqtardaǧy jūmysty üilestıru üşın Ükımet basşysynyŋ orynbasarlaryna aimaqtarǧa şyǧudy tapsyramyn. Olar ahual tüzelgenşe sol jerde bolady. Aqparattyq ştab azamattardy memleket qabyldap jatqan barlyq şaralar jönınde üzdıksız jäne jan-jaqty habardar etıp otyruǧa tiıs" delındı memleket basşysynyŋ ündeuınde.
Sondai-aq, Toqaev halyqty dürbeleŋge salatyn aqparat taratpau qajettıgın eskerttı:
"Būqaralyq aqparat qūraldaryna, belsendı azamattarǧa jäne blogerlerge aitarym, jūrtty dürbeleŋge salatyn jalǧan aqparattardy taratpau qajet. Qazırgı uaqytta bilık pen qoǧamdy ūiystyratyn äreketter jasau asa maŋyzdy. Azamattardy tek qana resmi aqparat közderıne süienuge şaqyramyn. Qūtqaruşylarǧa, tärtıp saqşylaryna, volonterlerge jäne apatpen küresuge atsalysyp jatqan barşa jūrtqa alǧysymdy aitamyn. Osyndai qiyn-qystau kezde bır jaǧadan bas, bır jeŋnen qol şyǧaru airyqşa maŋyzdy. Bır el, bır halyq bolyp jūmylyp, būl apatty eŋseremız. Būl bızdıŋ qolymyzdan keledı" dep aiaqtady sözın Qasym-Jomart Toqaev.
Ūqsas jaŋalyqtar
