Bügın Respublika künıne orai oblys äkımı Beibıt İsabaev är salada eselı eŋbek etken qyryqtan astam jetısulyq azamatqa memlekettık nagradalar tapsyrdy. Marapattar Taldyqorǧandaǧy B. Rimova atyndaǧy drama teatrynda ötken saltanatty jiynda berıldı, - dep habarlaidy Jetısu oblysy äkımınıŋ baspasöz qyzmetı.
Köpşılıktı merekemen qūttyqtaǧan oblys äkımı el damuyndaǧy jetısulyqtardyŋ eselı eŋbegın atap ötıp, öŋırdıŋ äleumettık-ekonomikalyq damuyna toqtaldy:
- Elımızdıŋ ūlyq merekesı Respublika künı – täuelsızdıgımızdıŋ tüp-bastauynda tūrǧan, eldıgımız ben bırlıgımızdıŋ basty qūndylyǧyn aişyqtaityn qasterlı mereke. Prezidentımız Qasym-Jomart Kemelūly Toqaevtyŋ bastamaşyldyǧymen elımız jüielı özgerıster men örkendı ısterge, jaŋa qūndylyqtar men ruhani-adamgerşılık baǧdarlarǧa, qūqyǧy men mümkındıgı teŋ qoǧam qūruǧa bet aldy. Bız qai kezde de alǧa qoiǧan maqsattarymyzǧa adal eŋbektıŋ, özara tüsınıstık pen jarasymnyŋ arqasynda jetıp kelemız. Oblysymyz ötken jyldy jaqsy körsetkıştermen qorytyndylap, elımız boiynşa aldyŋǧy qatardan körınse, biyl da sol tūraqty damudy saqtap, ötken 9 aida respublika kölemınde joǧary – 114,4% qysqa merzımdı ekonomikalyq indikatorǧa qol jetkızdı. Qūrylys jūmystarynyŋ kölemı 1,4 esege artyp, 228 myŋnan astam şarşy metr tūrǧyn üi qoldanysqa berıldı. Oblysta auyz su, jol, gaz sekıldı injenerlık infraqūrylymdardy jaqsartu şaralary qarqyndy jürude. Qolǧa alynǧan igı özgerısterdıŋ şyn mänınde jüzege asyrylyp jatqanyna halyqtyŋ özı kuä bolyp otyr, - dep atap öttı B. İsabaev.
Öŋır basşysy öz sözınde osy mereke qarsaŋynda üş bırdei jerlesımız el Prezidentınıŋ qolynan memlekettık marapat alǧanyn rizaşylyqpen jetkızdı.
- Ädıldık pen aşyqtyqty, adaldyq pen eŋbekqorlyqty berık ırgetas etken ideologiialyq tūǧyrnama – bızdıŋ basty baǧdarymyz. «Otan – quat, otbasy – şuaq» deidı halqymyz. Būl rette elımızdıŋ eŋselı de quatty boluyna ärbır azamat öz ülesın qosuy tiıs. Sol siiaqty qoǧamdy jaŋǧyrtuǧa baǧyttalǧan jaŋa reformalardy ıske asyrudyŋ igılıgı de, jauapkerşılıgı de bärımızge ortaq. «Tüiırşıkten tau qūralady», - degendei, jetıstıkterımızdıŋ bärınde sızderdıŋ ärqaisylaryŋyzdyŋ ülesterıŋız bar ekenın rizaşylyqpen aitamyn, - degen B.İsabaev būdan ärı memlekettık nagradalar tapsyru räsımıne köştı.
Atap aitsaq, «Qūrmet», «Parasat», III därejelı «Eŋbek Daŋqy» ordenderımen, «Erlıgı üşın», «Eren eŋbegı üşın», «Şapaǧat» medaldarymen, sol siiaqty Qazaqstan halqy Assambleiasynyŋ «Bırlık» medalımen oblystaǧy önerkäsıp, auyl şaruaşylyǧy, temır jol, kommunaldyq şaruaşylyq, sport, densaulyq saqtau, bılım beru, mädeniet, äleumettık qorǧau jäne basqa da salalarda jemıstı jūmys ıstegen qarapaiym eŋbek adamdary marapattaldy. Solardyŋ qatarynda «Taldyqorǧanjyluservis» ŞJQ MKK ekskavator jürgızuşısı Qajymūqan Bükpınov, «Aqsu JSK» JŞS traktorşysy Jasūlan Bimoldanov, Matai stansiiasynda temırjolşylar äuletınıŋ negızın saluşy eŋbek ardagerı Daniial Balaubekov, oblystyq Däneş Raqyşev atyndaǧy filarmoniiasynyŋ jeke dauystaǧy änşısı Beibıt Mūsaev, «Panfilov Su qūbyry» MKQK sorǧy stansiiasynyŋ maşinisı Aleksandr Burgart, Qaratal audanyndaǧy mektep janyndaǧy internaty bar № 13 orta mekteptıŋ mūǧalımı Saltanat Naizabekova, «Şapaǧat» Tekelı arnauly äleumettık qyzmet körsetu ortalyǧynyŋ meiırbikesı Nadejda Pivovarova, «Meiırım» Jarkent arnauly äleumettık qyzmet körsetu ortalyǧynyŋ mamany Mahabbat Sabdenbekova jäne basqa da azamattar bar.
Osy saltanatty jiynda eŋbek ardagerı, KSRO «Sosialistık Eŋbek Erı» Küläş Aitjanovaǧa, Qazaq KSR Halyq ärtısı, Memlekettık syilyqtyŋ laureaty Nūrjūman Yqtymbaevqa, memleket qairatkerı, zaŋ ǧylymdarynyŋ doktory, professor, akademik Ömırälı Jalairige, «Qazaqstan mäslihattary deputattarynyŋ bırlestıgı» RQB töraǧasy Töleubek Mūqaşevke, bırneşe şarua qojalyqtary bırlestıkterın qūrǧan «German Nam» kompaniiasynyŋ basşysy German Namǧa, «ZHERSU» investisiialyq- öndırıstık korporasiiasynyŋ Baqylau keŋesınıŋ töraǧasy Bauyrjan Ospanovqa, «Alasem» JŞC direktorynyŋ orynbasary Stanislav Şerbakovqa «Jetısu oblysynyŋ Qūrmettı azamaty», kino jäne teatr aktrisasy, B. Rimova atyndaǧy drama teatrynyŋ aktrisasy Älihan Ydyryşevaǧa «Qazaqstannyŋ Halyq ärtısı» ataqtary berıldı.
Marapattaluşylar atynan söz söilegen Sosialistık Eŋbek Erı Küläş Aitjanova:
- Bız bügıngı künge jetkenşe san qily joldardan öttık. Jaŋa bölınıp şyqqan Jetısu oblysynyŋ jetken jetıstıkterınıŋ bärın de halyqtyŋ yntymaǧynyŋ, eŋbeksüigıştıgınıŋ arqasy dei alamyz. Endıgı jerde jastarymyz bılımdı, bılıktı, aldyŋǧy tolqyn aǧalarynyŋ jolyn jalǧaityn abzal azamattar bolsyn. Elımız ösıp-örkendei bersın! – dedı K. Aitjanova.
Memlekettık marapat alǧan qatardaǧy eŋbekkerlerdıŋ bırı «Aqsu JSK» JŞS traktorşysy Jasūlan Bimoldanov pıkır bölıstı:
- Agrarlyq salada jūmys ıstep kele jatqanyma 15 jyldai boldy, şaruaşylyqta traktor jürgızemın. Osy uaqyt aralyǧynda auyl şaruaşylyǧy tehnikalarynyŋ bärınıŋ tılın meŋgerdım desem artyq aitqandyq emes. Men özımnıŋ osy käsıbımmen oblystyŋ agrarlyq salasynyŋ damuyna üles qosyp jürmın dep oilaimyn. Bügın maǧan «Eren eŋbegı üşın» medalı berıldı. Būl men üşın kütpegen jaŋalyq, eŋbegımnıŋ elengenıne quanyştymyn. Jerlesterımdı merekemen qūttyqtaimyn, - dedı J. Bimoldanov.
Qazaqstannyŋ Halyq ärtısı, B. Rimova atyndaǧy Taldyqorǧan drama teatrynyŋ aktrisasy, «Parasat» ordenınıŋ iegerı Almahan Kenjebekova köpşılıkke arnap tılegın bıldırdı:
- Bügın - elımız üşın ūlyq mereke. Osy quanyşty kün aiasynda oblysymyzdyŋ bırqatar azamattary memlekettık nagradalar alyp, eŋbek adamdaryna qūrmet körsetılıp jatyr. Barşa marapat ielerın, küllı jetısulyqtardy mereilı merekemen qūttyqtaimyn. Elımızdıŋ eŋsesı tık, ırgesı berık, bolaşaǧy baiandy bolsyn, - dedı ol.
Saltanatty şara merekelık konserttık baǧdarlamamen jalǧasty.
Eske salsaq, mereke qarsaŋynda Astanada «Qainar-AKB» JŞS bas direktory Erbol Ajmaǧambetov, «Keŋ dala» ŞQ basşysy Qalibek Alpysbaev «Qūrmet» ordenın, Şoqan Uälihanov atyndaǧy «Altynemel» memorialdy muzeiınıŋ meŋgeruşısı Maral Rahatova «Şapaǧat» medalın Memleket basşysy Q. Toqaevtyŋ qolynan, oblystyq mäslihattyŋ deputaty, «Asar» sporttyq-oŋaltu ortalyǧynyŋ jetekşısı Eldos Baialyşbaev «Eren eŋbegı üşın» medalın QR Parlamentı Mäjılısınıŋ töraǧasy E. Qoşanovtyŋ qolynan aldy.
Ūqsas jaŋalyqtar
