QR Ädılet ministrı Azamat Esqaraev britandyq saiasatker Margaret Tetcherge tiesılı «Dostyq» ordenınıŋ satyluy jönınde pıkır bıldırdı. Būl turaly ministr M. Närıkbaev atyndaǧy universitette tılşılerge bergen sūhbatynda aitty, dep habarlaidy “Adyrna” ūlttyq portaly.
«Būl aqparattan habardarmyz. Ärine, bızdıŋ zaŋnama boiynşa memlekettık nagradalardy satuǧa bolmaidy. Būl üşın bızdıŋ Qylmystyq kodekste jauapkerşılık bar. Eger adam memlekettık nagradalardy saudalasa, tiıstı jauapkerşılıkke tartylady. Margaret Tetcher tarihi tūlǧa bolǧandyqtan, olardyŋ jeke zattaryn, qūjattary men habbaryn auksionǧa şyǧaru täjıribesı bar. Būl olardyŋ mädenietınıŋ bır bölıgı», — dedı ministr M. Närıkbaev atyndaǧy universitette tılşılerge bergen sūhbatynda.
Tılşıler ministrden däl osy oqiǧa boiynşa tekseru jürgızu men jauapqa tartu şaralary jürgızıle me dep sūrady.
Öz kezegınde A. Esqaraev būl sūraq Syrtqy ıster jäne Mädeniet ministrlıkterınıŋ qūzyretınde ekenın aitty.
Būǧan deiın BAQ betterınde Margaret Tetcherge tabystalǧan «Dostyq» ordenınıŋ satylymǧa şyǧarylǧany habarlanǧan edı.
Habarlandyru sirek jäne köne kıtaptar men zattardy satuǧa arnalǧan internet-dükenderdıŋ bırınde jariialandy. Orden şamamen 7,9 mln teŋgege baǧalanyp otyr.
Būl marapat Margaret Tetcherge 2001 jyly Qazaqstan men Ūlybritaniia arasyndaǧy qarym-qatynastardy damytuǧa qosqan ülesı üşın berılgen.Ūqsas jaŋalyqtar
