Ilon Masktiń anasy Meı Mask Almatyda ótken Ortalyq Azııa áıelderiniń forýmynda Qazaqstannan alǵan áseri týraly aıtty, dep habarlaıdy “Adyrna” ulttyq portaly.
Amerıkalyq kásipker jáne Tesla kompanııasynyń negizin qalaýshy Ilon Masktiń anasy Meı Maskti Ortalyq Azııa áıelderiniń forýmynda sóz sóıleıdi. Ony qatysýshylar zor qoshemetpen qarsy alǵan.
Kanadalyq-ońtústik afrıkalyq model,úsh balanyń anasy Meı Mask Qazaqstanǵa kelgenine óte qýanyshty ekenin jetkizdi.
«Men shytyrman oqıǵalardy jaqsy kóremin, saıahat jasaǵandy unatamyn. Álemniń birtalaı elinde boldym. Biraq, Qazaqstanǵa alǵash ret kelip otyrmyn. Osynda kelgenime óte qýanyshtymyn. Men Qazaqstan jáne Almaty týraly kóbirek bilgim keldi, keshe ásem qalada shaǵyn ekskýrsııa jasadyq. Bári keremet»,- dedi ol.
Sonymen qatar, ol qazaqtyń keremet salt-dástúri týraly da sóz qozǵady.
«Keshe men kishkentaı qyzdyń tusaýyn kestim. Keremet dástúr eken. Maǵan mynandaı ulttyq naqyshtaǵy saqına syılady. Kesheli beri tastamaı taǵyp júrmin», - dedi ol.
Budan bólek, Meı Mask almatylyqtarǵa densaýlyq, durys tamaqtaný, qartaıý, genderlik teńdik, balalardy jalǵyz tárbıeleý, qıyndyqtardy jeńý boıynsha tájirbıesimen bólisti.
Aıta keteıik, keshe Ilon Masktyń anasy Almatyǵa kelgeni týraly habarlaǵan edik.
