Qorǧanys ministrı Ruslan Jaqsylyqovtyŋ qylmysqa qatysy bary aityldy

Astanadaǧy Men-media.kz alaŋynda otstavkadaǧy podpolkovnik Nūrjan Jaqsybaev mälımdeme jasady. Ol öz mälımdemesınde Qorǧanys ministrınıŋ qyzmetıne qatysty tosyn pıkır aitty, dep habarlaidy "Adyrna" ūlttyq portaly negekz-ke sılteme körsete otyryp. 

«Men öz ömırım üşın qatty alaŋdaimyn. Menı äldekımder qūrbandyqqa şalǧysy keledı. 2017 jyldan bastap QR Ūlttyq ūlanynda janar-jaǧarmai materialdaryn ūrlau shemasyn äzırlegen jäne ūrlanǧan aqşanyŋ tüpkı benefisiarlaryn qylmystyq jauapkerşılıkke tartudy talap etemın», – dedı Ūlttyq ūlannyŋ būrynǧy kadrlyq äskeri qyzmetşısı, otstavkadaǧy podpolkovnik Nūrjan Jaqsybaev Astanadaǧy Men-media.kz alaŋynda.

Ofiser QR Ūlttyq ūlanynda janar-jaǧarmai materialdaryn jymqyru ısınde basty aiyptaluşy boldy. Bıraq onyŋ aituynşa, qylmysqa eşqandai qatysy joq.  Ūlttyq gvardiianyŋ basşylary 2017 jyly janarmaidy jymqyrudy bastaǧan. Bıraq otynnyŋ  jetıspeuşılıgı 2018-2021 jyldar aralyǧynda otynnyŋ jetıspeuşılıgı turaly fakt resmi türde bolmaǧan. 2022 jyly ūrlyq faktılerı anyqtalyp, 2018 jyldan bastap ūrlanǧan JJM jalpy qūny 488 308 866 teŋgege jetıptı. Onyŋ ışınde tek ūrlanǧan aviaotyn qūny 280 420 556 teŋge bolǧan. Ūlttyq gvardiia qolbasşylyǧy būl turaly bıldı me jäne komandirler ne ıstedı?

«Ūlttyq ūlannyŋ Bas qolbasşysy, qazırgı QR Qorǧanys ministrı general-polkovnik Ruslan Jaqsylyqov  naqty nūsqaular berdı. Halyq bızdıŋ Qaruly Küşterımızdıŋ qazırgı basşysynyŋ şyŋ bet-beinesın  bıluı kerek. QR IIM şu şyǧarǧysy kelmeidı. Sebebı poliseiler qylmystyq ıstı jyly jauyp qoiǧan», – dep esepteidı Aqmola oblystyq advokattar alqasynyŋ advokaty Samat Syrlybaev.

Spikerlerdıŋ aituynşa, qylmystyq ıstıŋ basynda 100-ge juyq adam bolǧan. Küdıktılerden basqa, ūrlanǧan otyndy mardymsyz baǧamen satyp alǧan käsıpkerler de bar. Sondyqtan Nūrjan Jaqsybaev ūrlyq dünienı satyp aluşylardy, iaǧni otyn ötkızılgen «Qyzylsuat» jäne «Qarajar» karerlerınıŋ ielerın, sondai-aq Astananyŋ janarmai qūiu stansiialarynyŋ qyzmetkerlerın qylmystyq jauapkerşılıkke tartudy talap etedı. ⠀ Nūrjan Jaqsybaev QR Prezidentı Äkımşılıgınen jäne qūzyrettı organdardan äskeri qalaşyqtyŋ jylytu ortalyǧy jabdyqtarynyŋ jaramdylyǧyn men äskeri tehnikalardy tekserudı sūraidy.