Prezıdenttikke kandıdat Qasym-Jomart Toqaevty qoldaý jónindegi Respýblıkalyq qoǵamdyq shtabtyń músheleri Aqtóbe oblysynyń turǵyndarymen birqatar kezdesý ótkizdi, dep jazady "Adyrna" ulttyq portaly.
Aqtóbe rels-arqalyq zaýytynyń eńbek ujymymen kezdesýde kandıdattyń saılaý aldyndaǵy baǵdarlamasynda kórsetilgen el ónerkásibin damytýǵa arnalǵan sharalar talqylandy.
Respýblıkalyq qoǵamdyq shtab delegaııasynyń basshysy Máýlen Áshimbaev el ishinde tıimdi ındýstrııalyq tizbek qurylatynyn, óńdeý ónerkásibiniń ósý qarqyny kúsheıetinin jáne ónimdilik pen básekege qabilettilikti arttyrý úshin jumys istep turǵan kásiporyndar jańǵyrtylatynyn atap ótti.
«Qasym-Jomart Kemeluly Toqaev ekonomıka salasynda óńdeý sektoryn nyǵaıtýdy birinshi kezektegi mindet retinde belgiledi. Óndiristerdi qoldaýǵa, joǵary sapaly ónimder shyǵarýǵa basymdyq beriledi. «Memlekettik satyp alý týraly» jańa zań qabyldanady. Onda sapanyń eń tómengi baǵadan basym bolatyny jáne satyp alýlarda ımportqa qaraǵanda qazaqstandyq ónimderge basymdyq beriletini bekitiledi. Aldaǵy jeti jylda el ekonomıkasyna 150 mlrd dollar sheteldik ınvestıııa tartylady. Infraqurylymdy aýqymdy túrde jańǵyrtý jumysy júrgiziledi. Osylaısha, sizderde turaqty jumys jáne osyndaı kásiporyndarǵa tapsyrystar bolýy úshin el ekonomıkasy qarqyndy damı beredi», – dedi Máýlen Áshimbaev.
Sonymen qatar iri munaı-gaz jobalaryn damytýǵa arnalǵan uzaq merzimdi jospar ázirlenedi, ekonomıkany monopolııasyzdandyrý jalǵasady, monopolısterge baqylaý jáne básekelestikti qorǵaý kúsheıtiledi.
RQSh músheleri Aqtóbe oblysynyń jurtshylyǵymen kezdesýde saılaý aldyndaǵy baǵdarlamanyń óńirlik ınfraqurylymdy jaqsartý jáne jumys oryndaryn ashý máselelerine arnalǵan baǵyttaryna nazar aýdardy.
Shtab delegaııasy qaladaǵy Ortalyq stadıonda «Aqtóbe» fýtbol klýbynyń oıynshylarymen kezdesti. Onda Kandıdattyń kásibı sportty damytýdy jáne salamatty ómir saltyn dáripteýdi kózdeıtin basymdyqtary sóz boldy.
Q.Jubanov atyndaǵy ýnıversıtette joǵary oqý ornynyń ǵalymdarymen jáne oqytýshy-professorlar quramymen kezdesý ótti. Kezdesýde saılaý aldyndaǵy baǵdarlamadaǵy ǵylymdy qoldaýǵa arnalǵan naqty sharalar talqylandy.
Bul baǵytta aldaǵy 7 jylda qoldanbaly ǵylymdy qarjylandyrýdy kezeń-kezeńimen ulǵaıtý, ǵylymı nátıjelerdi kommerııalandyrý úshin jaǵdaı jasaý, jetekshi joǵary oqý oryndary men iri kásiporyndardyń janynan mamandandyrylǵan ınjınırıngtik ortalyqtar qalyptastyrý josparlanyp otyr.
Daıyndaǵan: Respýblıkalyq qoǵamdyq shtab
Astana qalasy, Qonaev 12/1.
Tapsyrys berýshi: M.J. Ospanov.
Qazaqstan Respýblıkasy Prezıdenttigine úmitker Q.K.Toqaevtyń saılaý qorynan tólendi.
