Qaraǵandy oblysynda bıyl 1 mln 300 myń tonna astyq jınaldy. Bul sońǵy 11 jyldaǵy eń jaqsy nátıje.
Ónimdiliktik osynshama joǵary bolýynyń negizgi faktorlarynyń biri memleketti qoldaý, aýyl sharýashylyǵy tehnıkasyn ýaqtyly daıyndaý, joǵary sapaly tuqymdardy paıdalaný, agrotehnologııalardy saqtaý jáne otynmen qamtamasyz etý boldy.
Qaraǵandy oblysynyń Aýyl sharýashylyǵy basqarmasynyń basshysy Saıat Mýsın jergilikti sharýa qojalyqtarynyń jetistikteri týraly Óńirlik kommýnıkaııalar qyzmeti alańyndaǵy brıfıngte aıtyp berdi.
– 9 aıdyń qorytyndysy boıynsha aýyl sharýashylyǵynyń jalpy óniminiń óndirisi ulǵaıdy. Naqty kólem ındeksi 116,7 % qurady. Astyq ónimi boıynsha eń joǵary kórsetkishke Abaı, Buqar Jyraý, Nura jáne Osakarov aýdandarynyń sharýashylyqtary qol jetkizdi, – dedi ol. – Gektaryna 15 entnerden ónim jınaldy. Sonymen qatar, bıyl kartop boıynsha da ónim joǵary boldy – 11,3 myń gektardan 299 myń tonnaǵa jýyq ónim jınaldy. Bul aımaqtyń ishki qajettilikterin tolyǵymen qamtamasyz etedi. Nura, Shet jáne Osakarov aýdandarynyń sharýashylyqtary kósh bastap tur.
Sondaı-aq, ónimdiligi 7 /ga bolatyn 23,4 myń tonna maıly daqyldar jınaldy.
Jergilikti qoımalar búkil egindi saqtaýǵa daıyn.
Brıfıngte óz jetistikteri týraly aýyl sharýashylyǵy basshylary aıtyp berdi.
– Sharýashylyǵymyz qurylǵaly alǵash ret biz 65 myń tonnadan astam dándi daqyldar, myń tonna maıly daqyldar, 27 myń tonna kartop jınadyq. Eger sharýashylyǵymyz tyńaıǵan jerlerdi ıgergen kezden bastap dándi daqyldarmen aınalysyp kele jatqan bolsa, kartop ósirýdi tek 9-shy jyl ınerip kelemiz. Bul bizdiń barlyq bilimderi men daǵdylaryn osy nátıjelerge qol jetkizýge jumsaǵan fermerlerimizdiń úlken eńbegi. Respýblıka kóleminde óte jaqsy ónim aldyq, úshinshi klass astyǵymyz 40 %-dan asady, – deıdi Nura aýdanynyń "Shahterskoe" JShS dırektory Georgıı Prokop.
Jergilikti fermerlerdiń aıtýynsha, jyl erekshe boldy. Jaýyn-shashyn men dándi daqyldardyń aýrýlary egin ósirýge kedergi keltirdi. Osyǵan qaramastan, aýyl turǵyndarynyń eńbegi men memlekettiń kómegi jaqsy nátıjege ákeldi
