قاراعاندى وبلىسىندا بيىل 1 ملن 300 مىڭ توننا استىق جينالدى. بۇل سوڭعى 11 جىلداعى ەڭ جاقسى ناتيجە.
ونىمدىلىكتىك وسىنشاما جوعارى بولۋىنىڭ نەگىزگى فاكتورلارىنىڭ ءبىرى مەملەكەتتى قولداۋ، اۋىل شارۋاشىلىعى تەحنيكاسىن ۋاقتىلى دايىنداۋ، جوعارى ساپالى تۇقىمداردى پايدالانۋ، اگروتەحنولوگيالاردى ساقتاۋ جانە وتىنمەن قامتاماسىز ەتۋ بولدى.
قاراعاندى وبلىسىنىڭ اۋىل شارۋاشىلىعى باسقارماسىنىڭ باسشىسى سايات مۋسين جەرگىلىكتى شارۋا قوجالىقتارىنىڭ جەتىستىكتەرى تۋرالى وڭىرلىك كوممۋنيكاتسيالار قىزمەتى الاڭىنداعى بريفينگتە ايتىپ بەردى.
– 9 ايدىڭ قورىتىندىسى بويىنشا اۋىل شارۋاشىلىعىنىڭ جالپى ءونىمىنىڭ ءوندىرىسى ۇلعايدى. ناقتى كولەم يندەكسى 116,7 % قۇرادى. استىق ءونىمى بويىنشا ەڭ جوعارى كورسەتكىشكە اباي، بۇقار جىراۋ، نۇرا جانە وساكاروۆ اۋداندارىنىڭ شارۋاشىلىقتارى قول جەتكىزدى، – دەدى ول. – گەكتارىنا 15 تسەنتنەردەن ءونىم جينالدى. سونىمەن قاتار، بيىل كارتوپ بويىنشا دا ءونىم جوعارى بولدى – 11,3 مىڭ گەكتاردان 299 مىڭ تونناعا جۋىق ءونىم جينالدى. بۇل ايماقتىڭ ىشكى قاجەتتىلىكتەرىن تولىعىمەن قامتاماسىز ەتەدى. نۇرا، شەت جانە وساكاروۆ اۋداندارىنىڭ شارۋاشىلىقتارى كوش باستاپ تۇر.
سونداي-اق، ونىمدىلىگى 7 تس/گا بولاتىن 23,4 مىڭ توننا مايلى داقىلدار جينالدى.
جەرگىلىكتى قويمالار بۇكىل ەگىندى ساقتاۋعا دايىن.
بريفينگتە ءوز جەتىستىكتەرى تۋرالى اۋىل شارۋاشىلىعى باسشىلارى ايتىپ بەردى.
– شارۋاشىلىعىمىز قۇرىلعالى العاش رەت ءبىز 65 مىڭ توننادان استام ءداندى داقىلدار، مىڭ توننا مايلى داقىلدار، 27 مىڭ توننا كارتوپ جينادىق. ەگەر شارۋاشىلىعىمىز تىڭايعان جەرلەردى يگەرگەن كەزدەن باستاپ ءداندى داقىلدارمەن اينالىسىپ كەلە جاتقان بولسا، كارتوپ ءوسىرۋدى تەك 9-شى جىل ينەرىپ كەلەمىز. بۇل ءبىزدىڭ بارلىق بىلىمدەرى مەن داعدىلارىن وسى ناتيجەلەرگە قول جەتكىزۋگە جۇمساعان فەرمەرلەرىمىزدىڭ ۇلكەن ەڭبەگى. رەسپۋبليكا كولەمىندە وتە جاقسى ءونىم الدىق، ءۇشىنشى كلاسس استىعىمىز 40 %-دان اسادى، – دەيدى نۇرا اۋدانىنىڭ "شاحتەرسكوە" جشس ديرەكتورى گەورگي پروكوپ.
جەرگىلىكتى فەرمەرلەردىڭ ايتۋىنشا، جىل ەرەكشە بولدى. جاۋىن-شاشىن مەن ءداندى داقىلداردىڭ اۋرۋلارى ەگىن وسىرۋگە كەدەرگى كەلتىردى. وسىعان قاراماستان، اۋىل تۇرعىندارىنىڭ ەڭبەگى مەن مەملەكەتتىڭ كومەگى جاقسى ناتيجەگە اكەلدى
