Almatyda beıbit sherýler men jınalystardy uıymdastyrý jáne ótkizý úshin belgilengen arnaıy oryn ózgerýi múmkin, dep habarlaıdy "Adyrna" ulttyq portaly QazAqparatqa silteme jasap.
Bul týraly Ashyq NQA saıtynda jarııalandy. Onda Almaty qalasy máslıhatynyń «Almaty qalasyndaǵy beıbit jınalystardy uıymdastyrý jáne ótkizý úshin arnaıy oryndardy, sondaı-aq arnaıy oryndardy paıdalaný tártibin aıqyndaý týraly» 2020 jylǵy 23 maýsymdaǵy №462 sheshimine ózgeris engizý týraly usynys ornalastyrylǵaan.
Sherýler ornyn ózgertýge qatysty joba 24 shildege deıin Ashyq NQA saıtynda ashyq talqylaýda bolady.
Buǵan deıin beıbit sherýlerdi ótkizýge arnalǵan oryn retinde belgilengen Shoqan Ýálıhanov atyndaǵy skver bolatyn. Bul skver 1000 adamǵa arnalǵan. Usynys boıynsha beıbit sherýdi uıymdastyrý ornyn Amangeldi Imanov atyndaǵy skverge kóshirý usynylýda. Munda 500 adam jınala alady.
Shevchenko kóshesimen ótetin qoldanystaǵy sherý marshrýty Gagarın dańǵyly men Muqanov kóshesi arasyndaǵy Jambyl kóshesiniń boıyndaǵy jańa marshrýtqa aýystyrylady.
