Almatyda reseilık änşı Valerii Meladzenıŋ konsertı kezınde üş äiel arasynda janjal şyqty, dep habarlaidy “Adyrna”.
Olardy qauıpsızdık qyzmetkerlerı konsert ötetın aumaqtan şyǧaryp jıberdı.
Almaty polisiiasynyŋ mälımetınşe, oqiǧaǧa qatysqan üş äieldıŋ jeke basy anyqtalǧan. Olardyŋ ekeuı Almaty oblysynyŋ tūrǧyndary. Bıreuı sot şeşımımen 5 täulıkke äkımşılık qamaqqa alynsa, ekınşısıne qoǧamdyq orynda alkogoldık masaŋ küide jürgenı üşın aiyppūl salyndy.
Al Taraz qalasynyŋ tūrǧynyna qatysty ūsaq būzaqylyq deregı boiynşa äkımşılık ıs qozǧalyp, materialdar sotqa joldandy.
Sonymen qatar äleumettık jelılerde konserttıŋ toqtatylǧany turaly jalǧan aqparat taraǧan. Polisiia Instagram paraqşasynyŋ iesın anyqtap, oǧan jalǧan aqparat taratqany üşın äkımşılık aiyppūl saldy.
Qūqyq qorǧau organdary qoǧamdyq tärtıptı būzu jäne körıneu jalǧan aqparat taratu zaŋ boiynşa jauapkerşılıkke äkep soǧatynyn eskerttı.
