Kúıeýinen zardap shekken áıel ádildik izdeıdi. Almatylyq Araılym Jeksembekova buǵan deıin áleýmettik jelide nashaqor kúıeýiniń uryp-soǵatynyn, «óltiremin» dep qoqan-loqy kórsetetinin aıtyp, arasha suraǵan, dep habarlady “Adyrna” ulttyq portaly «Astana» telearnasyna silteme jasap.
Eki balaly ananyń máselesine eshkim nazar aýdarmaı otyrǵan kórinedi.
«Ózimniń jáne balalarymnyń ómiri úshin qorqamyn»,- deıdi jas ana.
Araılym Jeksembekova joldasymen nebári 1 jylǵa jýyq otasqan. Mamyr aıynda kúıeýi alǵash ret oǵan qol kóterip, esinen tanǵansha urypty. Sodan keıin ol ádetke aınaldy deıdi. Kóp uzamaı joldasynyń esirtki paıdalanatynyn bilgen Araılym polıııaǵa aryz jazǵan. Alaıda, zábir kórsetýshi tek 5-10 kúnge qamaýǵa alynady deıdi ol.
«Júkti bolǵanyma qaramastan ol meniń ishimnen teýip, sýǵa batyrýǵa tyrysty. Úıde baılap ustady. Istemegeni joq. Jubaıym qarsy bolǵanymen, sot arqyly ajyrastyq. Biraq ol meni ańdyp, qoqan-loqy kórsetýin toqtatqan joq. Jaqynda ǵana bosandym. Qazir, tipti, úıden shyǵýǵa qorqamyn», -deıdi jábirlenýshi Araılym Jeksembekova.
Zábir kórsetýshige qatysty «Qınaý» baby boıynsha qylmystyq is qozǵalǵan. Onyń aqyl- esiniń durystyǵyn anyqtaý úshin saraptama taǵaıyndaldy. Biraq bul istiń tym uzap ketkeni Araılymdy alańdatyp otyr.
«Burynǵy jubaıymnyń polıııa qyzmetkerleri men medıına salasyndaǵy qyzmetkerler arasynda tanystary bar. Onyń aqyl-esiniń durys emestigi anyqtalsa, túrmege otyrmaıdy. Ol kez-kelgen medıınalyq qorytyndyny jasatyp alýǵa qaýqarly. Is qashan aıaqtalatynyn da eshkim aıtpaıdy. Polıııa qyzmetkerleri beıǵam, tipti, burynǵy jubaıymnyń tarabyn qoldap otyr»,- deıdi kelinshek.
Al polıııanyń jaýaby qysqa. Olar barlyǵy zańǵa sáıkes ekenin aıtady.
«Sotaldy biryńǵaı tiziliminde QK 110 baby boıynsha qylmystyq is qozǵalyp, qazirgi tańda proessýaldy kodekspen kózdelgen barlyq tergeý amaldary júzege asyrylýda. Kináli azamat mindetti túrde qylmystyq jaýapkershilikke tartylatyn bolady», -deıdi Almaty qalasy PD resmı ókili Saltanat Ázirbek.
Zańgerler otbasylyq zorlyq-zombylyqtyń jazasyn qatańdatý qajettigin aıtady. Máselen, aıyppuldyń ornyna tártiptik jumysqa tartýdy qoldaıdy.
«Qazirgi tańda otbasylyq zorlyq-zombylyq kúnnen kúnge órship jatyr. Onyń basty sebebi – erli-zaıyptylardyń arasyndaǵy quqyqbuzýshylyq óte tómen dárejelengen. Iaǵnı, ol úshin tek ákimshilik jaza qoldanylady. Ondaı azamattardy keshirýdiń keregi joq. Bir ret qol kótergen adam jazasyz qalsa, ekinshi ret te qol kóterýi múmkin», -deıdi zańger Ǵabıt Ómirbekov.
Zańgerlerdiń aıtýynsha, eger jábirlenýshilerdiń polıııa mamandarynyń jumysyna kóńili tolmasa, olar prokýratýraǵa shaǵymdanýǵa quqyly.
