Elimizde 1 aqpannan bastap avtogaz baǵasy kóteriledi, dep habarlaıdy “Adyrna” ultyq portaly.
Energetıka mınıstrligi taýar bırjalarynan tys satylatyn suıytylǵan munaı gazynyń shekti bólshek saýda baǵasyn kóterý týraly buıryq jobasyn talqylaýǵa shyǵardy. Bul sheshim óndirýshilerdiń shyǵynyn óteý maqsatynda qabyldanǵany habarlandy.
Jańa baǵaǵa sáıkes, Astana men Almaty qalalarynda avtogazdyń lıtri 84 jáne 89 teńgeden 102 teńgege deıin ósedi. Shymkentte baǵa 70 teńgeden 90 teńgege deıin kóteriledi. Basqa óńirlerde baǵa lıtrine 6-20 teńge aralyǵynda ósedi dep kútilýde.
Energetıka mınıstrliginiń málimetinshe, suıytylǵan gazdyń shekti kóterme baǵasy tonnasyna 45 158 teńgeden 51 932 teńgege deıin kóteriledi. Bul shara óndirýshilerdiń shyǵynyn jabý úshin qabyldanyp otyr, óıtkeni qazirgi óndiris quny tonnasyna 65-75 myń teńge bolady.
